कोरोनाको लक्षण देखिएका ४० मध्ये एक जनामा लामो समय सम्म लक्षण रहिरहन सक्ने ।
कोरोना भाइरसको लक्षण देखिएका ४० मध्ये एक जनामा लामो समय सम्म रहने एक अध्ययनले देखिएको छ । बेलायतमा ५० हजारभन्दा धेरै मानिसमा गरिएको अध्ययनले ४० मध्ये एक जनामा कोरोनाको लक्षण कम्तिमा तीन महिनासम्म रहने देखाएको बीबीसीले जनाएको छ । अध्ययनमा कोरोनाको सङ्क्रमण भएका र सङ्क्रमण नभएका व्यक्तिलाई समेटिएको थियो । अध्ययनले ३ प्रतिशतमा कोभिड भएको कम्तिमा तीन महिनासम्म कुनै न कुनै लक्षण रहिरहेको देखाएको खबरमा उल्लेख छ । विशेषगरी महिला, ५० देखि ६९ वर्ष उमेर समूह र दीर्घरोगीमा कोरोना सङ्क्रमण भएको १२ हप्तापछि पनि केही लक्षण कायमै रहने पाइएको छ ।
