सवारी दुर्घटनामा ७२ वर्षकी वृद्धाको मृत्यु
भक्तपुर, माघ २ गते
सवारी दुर्घटनामा ७२ वर्षकी वृद्धको मृत्यु भएको छ । आज दिउँसो १ बजे झौखेलमा भएको सवारी दुर्घटनाबाट घाइते भएकी ७२ वर्षकी केकई मग्रारातीको उपचारकोक्रममा आज दिउँसो मृत्यु भएको जिल्ला प्रहरी कार्यालय भक्तपुरले जनाएको छ । प्रहरीका सूचना अधिकारी ढुण्डीराज नेउपानेद्वारा जारी विज्ञप्ति अनुसार चाँगुनारायण नगरपालिका वडा नं. ३ कोल्पाकोट ओरालो स्थित व्यासीबाट झौखेल तर्फ जादै गरेको प्रदेश २ )१( ०००३ क ४६३७ नम्बरको निशान गाडीले पैदलयात्री ७२ वर्ष की केकई मग्ररातीलाई ठक्कर दिदा गम्भिर घाईते भएकी थिइन । घाईते मुग्ररातीको उपचारको लागि काठमाण्डौ मेडिकल अस्पताल दुवाकोट, भक्तपुर लगेकोमा उपचारकैक्रममा आज दिउँसो सम्बन्धित चिकित्सकले मृत्यू घोषणा गरेको प्रहरीले जनाएको छ । गाडी चालक भक्तपुर नगरपालिका वडा नं. १० कमलविनायक बस्ने वर्ष ५४का इन्द्रनारायण सितिखुलाई जिल्ला प्रहरी परिसर भक्तपुरले नियन्त्रण्णमा राखेको र घटना सम्बन्धमा थप अनुसन्धान कार्य भइरहेको प्रहरीले जनाएको छ ।
