आसापुरीका बाढी पीडितलाई उद्यमीको सहयोग
भक्तपुर, पुस २० गते
गत असोज १० देखि १२ गतेसम्म गएको पहिरोबाट पीडित सिपाडोल आसापुरी क्षेत्रका बाढी पीडित समुदायलाई भक्तपुर उद्योग वाणिज्य संघले ६० हजार बराबरको निर्माण सामग्री वितरण गर्ने भएको छ । सूर्यविनायक नगरपालिका वडा नं. ८ स्थित आसापुरी क्षेत्रमा आज संघले सो क्षेत्रका ४ जना पीडित समुदायको आवास निर्माणकालागि प्रति व्यक्ति रु. १५ हजार बराबरको निर्माण समग्री वितरण गर्ने घोषणा गरेको हो । सूर्यविनायक नगरपालिका वडा नं. ८का वडाध्यक्ष पुष्प बस्नेतको आतिथ्यतामा पीडितहरुलाई एक बोरा सिमेन्ट हस्तान्तरण गर्दै पीडितले आवास निर्माण गर्ने बेला वा चाहिएको बेला सो बराबरको निर्माण सामग्री लिन सक्ने बताउँदै संघका उपाध्यक्ष राजेन्द्र प्रजापतिले बाढीबाट धेरै क्षेत्री भएर पीडामा परेका समुदायको बीचमा थोरै भएपनि मलम लगाउने कार्य गर्न पाएको बताउनु भयो । संघका महासचिव नविन प्रजापतिले संघका पदाधिकारीहरुले एक दुई हजार जम्मा गरी भएको रु. ६० हजार पीडितहरुको आवास निर्माणमा टेवा पुर्याउन सहयोग गर्न पाउँदा खुसी लागेको बताउनु भयो । यो कुनै एनजिओ आइनजिओको पैसा होइन, संघका पदाधिकारीहरुले अलि अलि गरी जम्मा गरेको पैसा भएकाले यसलाई सहयोगको रुपमा लिइ दिन महासचिव प्रजापतिले सो अवसरमा आग्रह गर्नु भयो । कार्यक्रममा सुरक्षाकर्मी, रेडक्रसकर्मी, पहिरो पीडित तथा स्थानीय समुदायको सहभागिता थियो । गत असोजमा गएको पहिरोका कारण सूनपा ८मा धेरै धनजनको क्षति भएको उल्लेख गर्दै पीडितहरुको पुनस्र्थापना र पहिरो पन्छाउने कार्य चुनौतीपूर्ण रहेको भन्दै स्थानीय जनप्रतिनिधी बस्नेतले बडा र नगरपालिकाको अव आउने बजेटले केही महत्वपूर्ण सुधार हुने बताउनु भयो ।
