सूनपा ८मा अटो यातायात सेवा प्रारम्भ
भक्तपुर, पुस २० गते
भक्तपुरको सबै भन्दा दुर्गम ठाउँको रुपमा चिनिने आसापुरी होस, या केदारनाथको शीर डोलेश्वर मन्दिर मात्र होइन सेवा लिन वडाकार्यालयसम्म जान पनि हजारौ पैसा तिरेर ट्याक्सीमा जानुपर्ने सूर्यविनायक नगरपालिका वडा न.८का समुदायलाई आजबाट भने वडा कार्यालय, डोलेश्वर देखि सिवपुरीसम्म जान सकिने गरी अटो यातायात सेवा प्रारम्भ गरेको छ । साइनो अटो मोवाईल्स प्रा.लि.द्वारा १० वटा अटोहरुलाई सञ्चालनमा ल्याएको भन्दै सूर्यविनायक नगरपालिका वडा नं ८का वडाध्यक्ष पुष्प बस्नेतले अटो सेवा शुभारम्भ गरेका हुन । आर्दश चोकबाट ५ वटा र सूर्यविनायक चोकबाट ५वटा गरी १० वटा अटो आजबाट सञ्चालनमा ल्याएको उहाँले बताए । यस भन्दा अघि बस सेवा सञ्चालन भएपनि नियमितता नहँुदा वडाकार्यालयसम्म जान पनि असहज भएको भन्दै अटो यातायात सेवाले सहजता आउने तथा कम खर्चमा गन्तव्य पुग्न सकिने यात्रुहरुको विश्वास छ ।
