थप ४४७ जनामा कोरोना भाइरसको सङ्क्रमण पुष्टि ।
नेपालमा थप ४४७ जनामा कोरोना भाइरसको सङ्क्रमण पुष्टि भएको छ । गत २४ घण्टामा नौ हजार ९१३ जनाको नमूना परीक्षण गर्दा ४४७ जनाको रिपोर्ट पोजेटिभ आएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार ६ हजार ५७७ जनाको पीसीआर गर्दा ३९५ र तीन हजार ३३६ जनाको एन्टिजेन परीक्षण गर्दा ५२ जनामा सङ्क्रमण पुष्टि भएको हो । २४ घण्टामा सात जनाको भने मृत्यु भएको मन्त्रालयले जनाएको छ । यसैगरी, ४३९ जना संक्रमित निको भएका छन् ।
