नेपालमा गत २४ घण्टामा थप एक हजार १ सय ५७ जना कोरोना संक्रमण पुष्टि, थप १ हजार ११३ जना सङ्क्रमणमुक्त , ८ संक्रमितको मृत्यु ।
नेपालमा गत २४ घण्टामा देशभर एक हजार १ सय ५७ जना कोरोना भाइरस सङ्क्रमित थपिएका छन् । यस्तै १ हजार ११३ जना सङ्क्रमणमुक्त हुँदा ८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार बितेको २४ घण्टामा १४ हजार ५४१ जनाको नमुना परीक्षण हुँदा १ अजार १५७ जनामा मात्रै सङ्क्रमण पुष्टि भएको हो ।यस सँगै देशभर कोरोना सङ्क्रमितको कुल संख्या पीसीआर विधिबाट भएको परीक्षणमा ७ लाख ९४हजार १६३ र एन्टिजेन विधिबाट भएको परीक्षणमा ९१ हजार ३७३ पुगेको छ ।
सङ्क्रमितमध्ये हालसम्म ७ लाख ६४ हजार ८४७ जना निको भएको छन् । हाल निको हुने दर ९६दशमलब ३ प्रतिशत रहेको मन्त्रालयको भनाइ छ । हाल देशभर १८ हजार १९३ जना सक्रिय सङ्क्रमित रहेका छन् भने सङ्क्रमित मध्ये ९९ जना भेन्टिलेटरमा रहेका छन् । यस्तै ३४५ जना आईसीयूमा रहेका छन् ।
