दल विभाजनसम्बन्धी अध्यादेश फिर्ताबारे छलफल भइरहेको प्रधानमन्त्री देउवाको भनाइ ।
प्रधानमन्त्री शेरबहादुर देउवाले राजनीतिक दल विभाजनसम्बन्धीको अध्यादेश फिर्ताबारे छलफल भइरहेको बताउनुभएको छ । संसद् बैठक सकिएर बाहिरिने क्रममा प्रधानमन्त्री देउवाले अध्यादेश फिर्ताबारे सत्तागठबन्धन दलसँग छलफल भइरहेको बताउनुभयो ।अध्यादेश फिर्ताबारे प्रधानमन्त्री देउवाले माओवादी केन्द्रका अध्यक्ष पुष्पकमल दाहाल प्रचण्ड , नेकपाएकीकृत समाजवादीका अध्यक्ष माधवकुमार नेपाल र जसपाका नेता तथा काँग्रेस संसदहरूसँग छलफल गर्नुभएको थियो ।संसद् भवनमा अहिले दाहाल, नेपाल र काँग्रेस सचेतक पुष्पा भुसाल अध्यादेश फिर्ता सम्बन्धमा छलफल गरिरहेका छन् ।
