पछिल्लो २४ घण्टामा थप एक हजार ५ सय ६२ जनामा कोरोना भाइरस सङ्क्रमण पुष्टि, १९ संक्रमितको मृत्यु, थप १ हजार ५८९ जना संक्रमणमुक्त ।
पछिल्लो २४ घण्टामा एक हजार ५ सय ६२ जनामा कोरोना भाइरस सङ्क्रमण पुष्टि भएको छ । १० हजार २ सय ६६ पीसीआर परीक्षण गर्दा १ हजार १८० जना र ४ हजार १७७ एन्टिजेन परीक्षण गर्दा ३ सय ८२ गरी १ हजार ५६२ जनामा कोरोना भाइरसको सङ्क्रमण देखिएको स्वास्थ्य तथा जनसंख्या मन्त्रालयले जनाएको छ । यस्तै पछिल्लो २४ घण्टामा कोरोना सङ्क्रमणबाट १९ जनाको मृत्यु भएको छ भने १ हजार ५८९ जना निको भएका छन् । आज थपिएसँगै नेपालमा कोरोना सङ्क्रमितको कुल संख्या ७ लाख ७९ हजार ४९२ पुगेको छ । योसँगै नेपालमा मृत्यु हुनेको संख्या १० हजार ९८४पुगेको छ भने ७ लाख ४२ हजार ३०६ जना सङ्क्रमणमुक्त भएका छन् । मन्त्रालयका अनुसार हाल देशभर सक्रिय सङ्क्रमितको संख्या २६ हजार २०२ जना रहेका छन् ।
