२४ घन्टामा थपिए २ हजार ७ सय ६० नयाँ सङ्क्रमित, ४ हजार १७ जना स्वस्थ ।
नेपालमा थप २ हजार ७ सय ६० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घन्टामा ११ हजार ९ सय ८५ कोरोना परीक्षण गरिएको छ । जसमा ७ हजार १ सय ३० आरटी पिसिआर परीक्षण गर्दा एक हजार ८ सय ५७ जना र ३ हजार ८ सय ५५ एन्टीजेन परीक्षण गर्दा ९ सय ३ जनामा कोरोना पोजेटिभ देखिएको हो । योसँगै नेपालमा कोरोनाका कारण सङ्क्रमित हुनेको संख्या ६ लाख ७७ हजार ५ सय ९ पुगेको छ । यस्तै गत २४ घन्टामा थप ४ हजार १७ जना कोरोना सङ्क्रमणमुक्त भएका छन् । योसँगै नेपालमा कोरोना सङ्क्रमणमुक्त हुनेको संख्या ६ लाख १ हजार ४९ पुगेको छ । यो दर कुल सङ्क्रमितको ९३ दशमलव ७ प्रतिशत हो । यस्तै गत २४ घन्टामा थप ३३ जनाको कोरोनाका कारण मृत्यु भएको छ । योसँगै नेपालमा कोरोना सङ्क्रमणका कारण मृत्यु हुनेको संख्या ९ हजार एक सय ४५ पुगेको छ ।
