सडक मानवकालागि आवास निर्माण गर्न राधेराधेमा श्रीमद् भागवत हुने
भक्तपुर, चैत्र ७ गते
बेवारिसे सडक मानवहरुको सुरक्षित आवास निर्माणकालागि मानव कल्याण समाजले श्रीमद्भवत सप्ताह ज्ञान विज्ञान महायज्ञ गर्ने भएको छ । यही चैत्रको २१ गते देखि २७ गतेसम्म सो सप्ताह भक्तपुरको राधेराधेमा आयोजना हुने जानकारी दिदै आयोजित पत्रकार सम्मेलनमा समाजका संस्थापक एवं कथा वाचिका देवी सुमीले समाजमा बेवारिस मानवहरुलाई दिनको तीन छाक जसो तसो खुवाई रहेको बेला सुरक्षित आवासको अभाव महसुस भएको भन्दै सो भवन निर्माणकालागि आवश्यक आर्थिक भौतिक सहयोग जुताउनु श्रीमद् भागवत आयोजना गर्ने घोषणा भएको जनाएका हुन ।
मानिसको सहयोग गर्ने भावना जागृत गर्दै स्वइच्छाले दिने सहयोगबाटै सडक मानवकालागि बस्न योग्य घर बन्ने विश्वासका साथ सो सप्ताह गर्ने योजना रहेको उल्लेख गरेका छन् । सो अवसरमा वितरित प्रेस विज्ञप्ति यसप्रकार छ ।
