भक्तपुरका १ सय २७ जना सहित थप ५ हजार ७ सय २७ जनामा कोरोना सङ्क्रमण पुष्टि ।
भक्तपुर जिल्लाका १ सय २७ जना सहित पछिल्लो २४ घण्टामा देशभर थप ५ हजार ७ सय २७ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ हजार ३ सय ९१ पीसीआर परीक्षणमा ५ हजार ६५७ जना र ५२ सय ५ जनाको एन्टिजेन परीक्षणमा ७० जना गरी ५ हजार ७ सय २७ जनामा सङ्क्रमण पुष्टि भएको हो । आज उपत्यकामा झण्डै तीन हजार जनामा कोरोना भाइरस पुष्टि भएको छ । काठमाडौंमा दुई हजार ४ सय ४, ललितपुरमा ४ सय १९ र भक्तपुरमा १ सय ३३ गरी २ हजार ९ सय ५६ जनामा सङक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरसबाट सङ्क्रमितको कुल संख्या ३ लाख २३ हजार १८७ पुगेको छ । जसमध्ये ३८ हजार ८ सय १३ जना सक्रिय सङ्क्रमित रहेका छन् । सक्रिय सङ्क्रमितमध्ये ३६ हजार १ सय ३५ जना होम आइसोलेसन र दुई हजार ६ सय ७५ जना संस्थागत आइसोलेसनमा रहेका छन् । कोरोना भाइरस सङ्क्रमितमध्ये ३ सय ३१ जना आईसीयूमा र १ सय १५ जना भेन्टिलेटरमा रहेका छन् । कोरोना भाइरस सङ्क्रमणबाट थप ३३ जनाको मृत्यु भएको छ । हालसम्म मृतकको संख्या तीन हजार २ सय ४६ पुगेको छ । पछिल्लो २४ घण्टामा कोरोना भाइरस सङ्क्रमणमुक्त हुनेको संख्या ९ सय २८ रहेको छ ।
भक्तपुरमा शुक्रबार संक्रमित हुनेहरुमा सूर्यविनायक नगरपालिकाका २४ पुरुष र १४ महिला गरी ३८ जना, मध्यपुर थिमी नगरपालिकाका २७ पुरुष र २८ महिला गरी ५५ जना, भक्तपुर नगरपालिकाका ११ पुरुष र ११ महिला गरी २२ जना र चाँगुनारायण नगरपालिकाका ४ पुरुष र ३ महिला गरी ७ जना तथा सम्पर्क नखुलेका ४ पुरुष र १ महिला गरी ५ जना सहित १ सय २७ जनामा संक्रमण पुष्टि भएको स्वास्थ्य कार्यालय भक्तपुरका कार्यालय प्रमुख कृष्णबहादुर मिजारले जनाएको छ
