थपिएका ६८ प्रतिशत संक्रमित काठमाण्डौ उपत्यकाकै !
काठमाण्डौै, कार्तिक १३ गते
पछिल्लो २४ घण्टामा २ हजार ३६४ जना थप कोरोना संक्रमित हुँदा यसै अवधीमा ३ हजार ३८ जना कोरोना संक्रमण मुक्त भएका छन् । परीक्षणको दायरा बढाएसँगै संक्रमितको संख्या पनि बढी रहेको प्रसंगमा १० हजार ७६९ जनाको आरटी पीसीआर परीक्षण गर्दा २,३६४ जना संक्रमित थपिएको हो । अहिले कुल संक्रमितको संख्या १ लाख ६४ हजार ७१८ पुगेको छ भने संक्रमण मुक्त हुनेको संख्या १ लाख २४ हजार ८६२ संक्रमित निको भएर घर फर्केका छन् । हाल ३८ हजार ९५२ जना सक्रिय संक्रमित छन् । पछिल्लो २४ घण्टामा १७ जना संक्रमितको मृत्यु भएसँगै कोरोनाबाट मृत्यु हुनेको संख्या ९०४ पुगेको छ ।
थपिका संक्रमितहरु मध्ये ६८ प्रतिशत काठमाण्डौ उपत्यकाकै रहेका छन् । पछिल्लो २४ घण्टामा १ हजार ६१५ जना उपत्यकाकै रहेको स्वास्थ्य तथा जनसंख्या मन्त्रालयले जनाएको छ । उपत्यकाका ७०४ महिला र ९११ पुरुष गरी १६१५ संक्रमित भएका हुन । स्वास्थ्य मन्त्रालयका अनुसार काठमाण्डौ जिल्लामा १६ हजार ५२१, ललितपुरका २ हजार ७४० र भक्तपुर जिल्लाका १ हजार ७५ जना सक्रिय संक्रमित छन् । संक्रमित मध्ये काठमाण्डौका २०९, ललितपुरका ५८ र भक्तपुरका ६१ जना गरी ३२८ जनाको मृत्यु भएको स्वास्थ्य मन्त्रालयको प्रेस ब्रिफिंगमा उल्लेख छ ।
