आज संक्रमित भन्दा ६२१ जना बढी कोरोना मुक्त
काठमाण्डौ, कार्तिक ८ गते
आज कोरोना संक्रमित भन्दा निको हुनेको संख्या बढेको छ । सबै जना दशैको अष्टमी पर्व मनाई रहँदा देशभर २ हजार २२५ जना कोराना संक्रमित थपिएका थिए भने पछिल्लो २४ घण्टामा २ हजार ८४६ जना कोरोना निको भएर घर फर्केका छन् । संक्रमित भएको संख्या भन्दा आज ६२१ जना बढी संक्रमित निको भएका हुन ।
पछिल्लो २४ घण्टामा २ हजार २२५ जना कोरोना संक्रमित पुष्टि भएका मध्ये काठमाण्डौ उपत्यकाका मात्रै १ हजार ११० जना संक्रमित रहेका छन् भने देशभर १३ जनाको मृत्यु भएका मध्ये उपत्यकाका मात्रै ८ जना रहेको स्वास्थ्य तथा जनसंख्या मन्त्रालयले जनाएको छ ।
१३ हजार ८४६ जनाको पीसीआर परिक्षण गर्दा २ हजार २२५ जना संक्रमित थपिएसँगै देशभर कोरोना संक्रमित हुनेको संख्या १ लाख ५५ हजार २३३ पुगेको छ भने कोरोना संक्रमणबाट मृत्यु हुनेको संख्या ८४२ पुगेको छ ।
पछिल्लो २४ घण्टामा २ हजार ८४६ जना कोरोना निको भएर घर फर्किएसँगै कोरोना निको हुनेको संख्या १ लाख ८ हजार ३३४ जना पुगेका छन । अहिले सक्रिय संक्रमितको संख्या ४६ हजार ५७ जना छन ।
काठमाण्डौमा आज ८३२ ललितपुरका १७६ र भक्तपुरका १०२ जना गरी १ हजार ११० जना कोरोना संक्रमित भएका हुन । उपत्यकामा आज थपिएका संक्रमितहरु ४२९ महिला र ६८१ जना पुरुष गरी १ हजार ११० रहेका हुन ।
