देशभर कोरोना संक्रमित १ लाख ५३ हजार नाघ्यो, १ लाख ५,४८८ मुक्त
काठमाण्डौ, कार्तिक ७ गते
देशभर कोरोना संक्रमितको संख्या १ लाख ५३ हजार नाघेको छ । आज थप ४ हजार ४९९ जना संक्रमित भएसँगै संक्रमितको संख्या १ लाख ५३ हजार ८ जना पुगेको हो । पछिल्लो २४ घण्टा भित्र १६ हजार ८६४ जनाको आरटी पीसीआर परीक्षण गर्दा थप ४ हजार ४९९ जना संक्रमित भएको स्वास्थ्य तथा जनसंख्या मन्त्रालयले जनाएको हो । ।
पछिल्लो २४ घण्टामा २ हजार ६८८ संक्रमित कोरोना निको भएका छन् । योसँगै कोरोना निको हुनेको संख्या १ लाख ५ हजार ४८८ पुगेको छ । अहिले सक्रिय संक्रमितको संख्या ४६ हजार ६९१ जना छन् । पछिल्लो २४ घण्टामा थप १७ जना कोरोना संक्रमितको निधन भएसँगै अहिलेसम्म कोरोना संक्रमित ८२९ जना निधन भइसकेका छन् । आज थपिएका ४४९९ जना मध्ये काठमाण्डौ उपत्यकाका २ हजार ७२० जना संक्रमित भएका हुन । काठमाण्डौ जिल्लाका २३५७ जना, ललितपुरका २२६जना र भक्तपुरका १२७ जना सहित २७२० संक्रमित थपिएका हुन । उपत्यकाका १ हाजर ९२ महिला र १ हजार ६२८ पुरुष थप संक्रमित भएका हुन ।
काठमाण्डौ जिल्लामा मात्रै अहिलेसम्म ५४,२४५ कोरोना संक्रमित भइसकेका छन् । त्यसमध्ये २०हजार १९६ जना सक्रिय संक्रमित छन् भने ३३,८६३ कोरोना निको भइसकेका छन् भने १८६ जना संक्रमितको मृत्यु समेत भइसकेका छ । भक्तपुरमा भने अहिलेसम्म ५ हजार ४८ जना संक्रमित भएका मध्ये १,३६५ जना सक्रिय संक्रमित रहेका छन् भने ३,६२९ जना कोरोना संक्रमित निको भइसकेका छन् । यहाँ कोरोनाका कारण ५४ जनाको निधन भइसकेको छ । यसै गरी ललितपुरमा अहिलेसम्म ७,५६० संक्रमित भएका मध्ये ४,९३३ निको भएका छन् । अहिले २,५७४ सक्रिय संक्रमित छन भने ५३ जनाको निघन भएको छ ।
अहिले उपत्यकामा २४ हजार १३५ जना सक्रिय कोरोेना संक्रमित रहेका छन भने ४२ हाजर ४२५ संक्रमित कोरोना निको भइ सकेका छन् । कोरोना संक्रमणका कारण उपत्यकाका २९३ जनाको मुत्यु भइ सकेको स्वास्थ्य मन्त्रालयले जनाएको छ ।
अहिले देशभर ३१ हजार ७२७ जना होम आइसोलेसनमा छन् भने २९० आइसियू र ६९ जना भेन्टिलेटरमा रहेका छन् ।
