आज थप ३ हजार ६ सय ३७ संक्रमित, भक्तपुरका ११२ थपिए
काठमाण्डौ, कार्तिक ६ गते
आज थप ३ हजार ६ सय ३७ जना कोरोना संक्रमित पहिचान गरेसँगै मुलुकभर १ लाख ४८ हजार ५०९ जना संक्रमित भएका छन् । पछिल्लो १५ हजार २५५ जना आरटी पीसिआर परीक्षण गर्दा ३६३७ जना कोरोना पोजेटिभ देखिएको हो ।संक्रमित मध्ये १ हजार ५५२ जना काठमाण्डौ उपत्यकाकै रहेको स्वास्थ्य तथा जनसंख्या मन्त्रालयले जनाएको छ । काठमाण्डौ जिल्लाका १ हजार २८३ जना, ललितपुरका १५७ जना र भक्तपुरका ११२ जना संक्रमित थपिएका हुन । स्वास्थ्य मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ३ हजार २१५ संक्रमित कोरोना मुक्त भएका छन् । योसँगै कुल १ लाख २ हजार ८२० डिस्चार्ज भइ सकेका छन् । अहिले सक्रिय संक्रमित ४४ हजार ८७७ जना सक्रिय संक्रमित रहेका छन् । यसै गरी संक्रमितहरु मध्ये २९० जना आइसीयू र ७७ जना भेन्टिलेटरमा उपचारमा रहेको बताएको छ भने थप २१ जनाको मृत्यु भएसँथै कोरोना संक्रमणबाट मृत्यु हुनको संख्या ८१२ पुगेको छ । यसै गरी क्वारेन्टिनमा रहेको संख्या ३ हजार ७ सय ५१ रहेको स्वास्थ्य मन्त्रालयले जनाएको छ ।
