भक्तपुरमा आज थपिए ११८ पोजेटिभ, देशभर २,३४०कोरोना मुक्त
भक्तपुर, असोज २० गते
भक्तपुरमा आज ११६ कोराना संक्रमित थपिएका छन् भने काठमाण्डौ उपत्यकामा १ हजार १७ जना संक्रमित थपिएका छन् । देशभर आज संक्रमितहरु १५५१ जना भएका मध्ये उपत्यकामा मात्रै १ हजार १७ जना संक्रमित थपिएका हुन । थपिएका संक्रमितहरुमा काठमाण्डौ जिल्लाका ७८३, भक्तपुरका ११६ र ललितपुरका ११८ जना रहेको स्वास्थ्य तथा जनंख्या मन्त्रालयका प्रवक्ता डा. जागेश्वर गौतमले जनाएको छ ।
आज थपिएका संक्रमितहरुसँगै देशभर कोरोना संक्रमितको संख्या ९० हजार ८१४ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ हजार ४७ जनाको पीसीआर परिक्षण गर्नेक्रममा १५५१ जना संक्रमित थपिएको जनाएको हो । पछिल्लो २४ घण्टामा २ हजार ३४० कोरोना संक्रमित निको भएसँगै हालसम्म कोरोना मुक्त हुनेको संख्या ६७ हजार ५४२ पुगेको छ । संक्रमित निको हुने दर ७४.३ प्रतिशत रहेको छ । कोरोना संक्रमितहरु मध्ये पछिल्लो २४ घण्टामा थप ९ जनाको मृत्यु भएको छ । योसँगै कोरोनाबाट मृत्युहुनेको संख्या ५६३ पुगेको छ ।
हाल आइसोलेसनमा २२ हजार ७०९ रहेका छन भने ४ हजार २२१ क्वारेन्टिनमा छन् । यसै गरी २४३ जना आइसीयू र ४० जना भेन्टिलेटरमा छन् ।
