विद्यालय पठनपाठनमा सरकारसंग राहातको माग

भक्तपुर, असार १९गते
संस्थागत विद्यालय संघ नेपालले कोभिड १९बाट प्रभावित विद्यालय शिक्षाप्रति सरोकारवाला निकायको ध्यानाकर्षित गराउंदै विद्यालयका साझा समास्याहरुको समाधानका लागि आग्रह गरेको छ । संघका अध्यक्ष प्रेमजन थापा श्रेष्ठले शुक्रवार एक प्रेस विज्ञप्ति जारी गर्दै विद्यालय पठनपाठनलाई निरन्तरता दिन आवश्यक राहतको व्यवस्था गर्न नेपाल सरकारस“ग माग गरेको हो ।
विश्वव्यापीरुपमा फैलिएको कोभिड–१९ भाइरसको सङ्क्रमण रोक्न नेपाल सरकारले चैत्र ११ गतेदेखि बन्दाबन्दीको घोषणा जेष्ठ २५ सम्म ग¥यो भने त्यसपछि खुकुलो गरे पनि विद्यालयको पढाई सञ्चालन गर्ने अनुमति नहु“दा लाखौं विद्यार्थीहरु पठनपाठनबाट वञ्चित छन् । देशभरिका करिब दश हजार संस्थागत विद्यालयमा २२ लाखभन्दा बढी विद्यार्थीहरु अध्ययनरत छन् भने झण्डै २ लाख शिक्षकहरु सेवारत छन् । संस्थागत रुपमा सञ्चालित सबै विद्यालयहरु नाफामुखी होइनन् विज्ञप्तिमा भनिएको छ ।

राज्यले शिक्षा र स्वास्थ्य दायित्व लिनु पर्छ । यसो नहु“दा आजको समस्या आएको हो । लकडाउन (बन्दाबन्दी) मा विद्यालय बन्द हु“दा आम्दानी पनि शून्य छ । यसले संस्थागत विद्यालयमा कार्यरत २ लाखभन्दा बढी शिक्षक, कर्मचारी तथा आश्रित परिवारजनको जीवनयापन कठिन हु“दैछ । भवन, जग्गा भाडामा सञ्चालित विद्यालयहरुले भाडा तिर्न सकेन । बैंक ऋण लिएका र गाडी किस्तामा खरिद गरेका विद्यालयले किस्ता बुझाउन सकेन ।
विकसित मुलुकमा अनलाइन माध्यमबाट शिक्षा प्रदान गर्ने प्रचलन भएता पनि हाम्रो जस्तो मुलुकमा महंगो इन्टरनेट र सीमित पहु“चको कारण अनलाइन शिक्षा चुनौतीपूर्ण छ । केही गरौं भन्ने उद्देश्यअनुरुप आ–आफ्नो क्षमताअनुसार अनलाइनको माध्यमबाट दुर शिक्षा सञ्चालन भइरहेको यहा“ उल्लेखनीय छ । यतिवेला शिक्षा हुनेखानेको लागि नै भएको चरितार्थ हु“दैछ । नेपाल सरकारले देशको शैक्षिक विकासमा संस्थागत विद्यालयहरुको योगदान र त्यसमा अध्ययन गर्ने विद्यार्थीहरूको शैक्षिक भविष्य तथा शिक्षक, कर्मचारीको रोजगारीप्रति पनि ध्यान दिनु आवश्यक छ ।
कोभिड १९ सङ्क्रमण र अभिभावकको आर्थिक अवस्थासमेतलाई मनन गरी विद्यालय पठनपाठनलाई निरन्तरता दिन आवश्यक राहतको व्यवस्था गर्न नेपाल सरकारस“ग माग गर्दछौं संघद्वारा जारी विज्ञप्तिमा भनिएको छ ।
विद्यालयको शैक्षिक कार्यक्रमलाई निरन्तरता दिई बालबालिकाको पढ्न पाउने अधिकारलाई सुनिश्चित गर्न नेपाल सरकार, प्रदेश सरकार, स्थानीय सरकारको ध्यान जानु आवश्यक छ । अन्य सरोकारवाला संघ–संस्था तथा आम नागरिक समाजले आ–आफ्नो क्षेत्रबाटसमेत आवश्यक सहयोगको लागि अनुरोध गर्दछौं । आर्थिकरुपमा कमजोर हु“दै गएका विद्यालयहरूलाई सहुलियत दरमा ऋण र शिक्षक तथा कर्मचारीहरूलाई मनोबल उठाउन, तालिम, राहतको बन्दोबस्तको लागि संस्थागत विद्यालय संघ नेपाल (इसान) सरकारस“ग जोडदार माग गर्दछ विज्ञप्तिमा भनिएको छ ।