भक्तपुर, बैशाख १० गते
आज फेरी तीन जनामा कोरना भाइरस संक्रमण भएको पुष्टि भएको छ । उदयपुरको त्रियुगा नगरपालिका भुल्केका ३ जनामा कोरना भाइरस संक्रमण भएको स्वास्थ्य तथा जनसंख्या मन्त्रालयले जनाएको छ । मन्त्रालयको नियमित पत्रकार सम्मेलनमा प्रबक्ता डाक्टर विकास देवकोटाले भुल्केका २४, ६० र ७२ वर्षका तीन पुरुषमा कोरना भाइरस संक्रमण भएको पुष्टि गरेको हो । धरानस्थित विपी कोइराला स्वास्थ्य विज्ञान प्रतिष्ठानको प्रयोगशालामा पीसीआर विधिबाट तिनीहरुको स्वाब परीक्षण गर्दा कोरना भाइरसको पोजेटिभ अर्थात संक्रमण पुष्टि भएको हो । योसंगै देशमा कोरना भाइरस संक्रमितको संख्या ४५ पुगेको छ । संक्रमित मध्ये २७ जना उदयपुरका रहेका छन् भने निको भई आज थप एक जना घर फर्केका छन् । कोरना भाइरस संक्रमणबाट निको हुनेको संख्या ७ पुगेको छ ।
