भक्तपुरमा कोरोना संक्रमित ६ हजार नाघ्यो, ७५को मृत्यु, १६८६ सक्रिय संक्रमित
भक्तपुर, कार्तिक १८ गते
भक्तपुर जिल्लामा कोरोना संक्रमितको संख्या ६ हजार नाघेको छ भने मृत्यु हुनेको संख्या ७५ पुगेको छ । हालसम्म भक्तपुरका २६३३ महिला र ३४५४ पुरुष गरी ६ हजार ८७ जनामा कोरोना पोजेटिभ पुष्टि भएको उल्लेख गर्दै संक्रमितहरु मध्ये १८९४ महिला र २४३२ पुरुष गरी ४३२६ जना संक्रमण मुक्त भएको स्वास्थ्य कार्यालय भक्तपुरले जनाएको छ । कार्यालय प्रमुख कृष्णवहादुर मिजारका अनुसार अहिले जिल्लामा ७१६ महिला र ९७० पुरुष गरी १६८६ सक्रिय संक्रमितहरु रहेको बताएको छ । संक्रमितहरु मध्ये २३ महिला र ५२ पुरुष गरी ७५ जना संक्रमितको मृत्यु भइसकेको जनाएको छ । पछिल्लो २४ घण्टामा जिल्लाका ६२ जनामा देखिएको कोरोना पोजेटिम भएकाहरुमा २२ महिला र ४० पुरुष रहेको जनाएको छ । कार्यालय प्रमुख मिजारका अनुसार थपिएका संक्रमितहरु भक्तपुर नगरपालिकाका २ महिला र ३ पुरुष गरी ५ जना, मध्यपुर थिमी नगरपालिकाका ७ महिला र १४ पुरुष गरी २१ ज्नासूर्यविनयक नगरपालिाका ८ महिला र१४ पुरुष गरी २२ जना । चाँगुनारायाण् नगरपालिकाका ३ महिला ३ पुरुष गरी ६ जना तथा सम्पर्क हुन नसकेका २महिला र ६ पुरुष गरी ८ जना रहेका छन् ।
मंगलबार देशभर ३ हजार १ सय १४ जनामा थप कोरोना संक्रमण पुष्टि भएका थिए ।योसँगै कोरोना सङ्क्रमितको संख्या १ लाख ७९ हजार ६१४ पुगेको छ । पछिल्लो २४ घण्टामा थप ३ हजार १ सय ४२ जना कोरोना सङ्क्रमणमुक्त भऐसँगै नेपालमा कोरोना सङ्क्रमण भएर निको हुनेको संख्या हालसम्म १ लाख ४१ हजार १३४ पुगेको छ । पछिल्लो २४ घण्टामा थप २० जनाको कोरोना भाइरसको सङ्क्रमणका कारण मृत्यु भएकोपछि नेपालमा कोरोनाले ज्यान गुमाउनेको संख्या १,००४ पुगेको छ ।
काठमाण्डौ उपत्यकामा मंगलबार थप १ हजार ४ सय ६८ जना कोरोना संक्रमित थपिएका थिए । ११ हजार १६६ जनाको आटी पसिआर परीक्षण गर्दा देशभर ३ हजार ११४ जना संक्रमित मध्ये काठमाण्डौ उपत्यका ६४९ महिला र ८१९ पुरुष गरी १ हजार४६८ थप संक्रमित भएको बताएका हुन ।
