बोेडेका जनस्वास्थ्य कार्यालयको स्वास्थ्य शिविर आयोजना, सयौंले गरे स्वस्थ्य परिक्षण
मध्यपुर थिमी, २१ असार,
जन स्वास्थ्य कार्यालय भक्तपुरले मध्यपुर थिमी नगरपालिका ८ स्थित बोडे स्वास्थ्य चौकीमा आज स्वास्थ्य शिविर आयोजना गरेको छ । प्रजनन स्वास्थ्य रुग्नता तथा भिआईए स्तन परिक्षण एनसिडी स्किनिङ्ग सम्बन्धि शिविर आयोजना गरिएको हो । सो अवसरमा स्तन क्यान्सर परिक्षण, भिआईए पाठेघर मुख क्यान्सर परिक्षण, स्त्री रोग जाँच, एनसिडी स्कीनिङ्ग परिक्षण, रक्तचाप परिक्षण, मधुमेह परिक्षण, बीएमआई र पिसाबमा प्रोटिन परिक्षण गरिएको थियो ।
बागमती प्रदेश सरकार, स्वास्थ्य मन्त्रालय, स्वास्थ्य निर्देशनालय, जनस्वास्थ्य कार्यालय भक्तपुरले आयोजना गरेको सो शिविरमा निःशुल्क औषधी पनि वितरण गरिएको आयोजक कार्यालयका राम शरणले जनाएको छ । स्थानीय समुदायलाई स्वास्थ्य परिक्षणमा अस्पतालसम्म जान्न नपर्ने तथा कुनै रोगको लक्षण देखिएमा थप उपचारकालागि परामर्श दिनकालागि पनि यस्तो शिविरको महत्व रहेको उहाँले बताउनु भयो ।
जनस्वास्थ्य कार्यालयले हिजो मध्यपुर थिमीकै सगरमाथा कोलोनीमा स्वास्थ्य शिविर आयोजना गरेको थियो । सो क्षेत्रमै पहिलो पटक स्वास्थ्य शिविर आयोजना भएको भन्दै स्थानीय समुदायले आयोजक समितिलाई धन्यवाद ज्ञापन गरेका थिए । सामान्य लक्षणमै अस्पतालसम्म जाँदा समय र पैसाको खर्च हुने भएकाले जनस्वास्थ्य कार्यालय भक्तपुरको समन्वयमा सो शिविर आयोजना गरिएको थियो । सो कोलनीका ४६ घर परिवारमा ५ सय भन्दा बढी सदस्य रहेका छन् ।
