भूल सुधारः खत्री र पाठकलाई उजुरी दिने व्यक्ति सविन महत्त
भक्तपुर, माघ७ गते
भक्तपुर निर्वाचन क्षेत्र नं।२का निर्वाचन अधिकृत राधिका सुवालले आज दुई उमेदवार माथि उजुरी दिने व्यक्ति स्वतन्त्र उम्मेदवार नविमकुमार महत्त नभई अर्का स्वतन्त्र उमेदवार सविन महत्त भएको खुलाएकी छिन् । भूलबस नविनकुमारको नाम सम्प्रेषण भएको भन्दै निर्वाचन अधिकृत राधिका सुवालले भूल सुधारकालागि अनुरोध गरेकी छिन् । उहाँले भनिन् मेरो रिर्पोटमा उजुरी दिने स्वतन्त्र उमेदवार नविनकुमार थियो रुजु गरी हेर्दा रविन महत्त देखियो ।
नविनकुमार महत्तले आफूले उजुरी नदिएको भनि सामाजिक सञ्जालकासाथै जनसञ्चार खवरलाई पनि प्रष्ट पारेपछि सो बारे निर्वाचन अधिकृतसँग समीक्षा गर्दा उहाँले स्वतन्त्र पार्टीका उमेदवार राजीव खत्री र जनसेवा पार्टीकी उमेदवार जानुका पाठक विरुद्ध सविन महत्तले उजुरी दिएको प्रष्ट पारेकी हुन । महत्तले खत्री माथि बेरुजुको र पाठक माथि नागरिकताको प्रतिलिपिमा विवरण फरक भएको गुनासो दर्ता गरेको थियो ।
