भक्तपुर प्रहरीद्वारा आगजनी तथा तोडफोडमा संलग्न ३ जना मानिस पक्राउ
भक्तपुर प्रहरीद्वारा आगजनी तथा तोडफोडमा संलग्न ३ जना मानिस पक्राउ गरेको छ । भक्तपुर प्रहरीका सूचना अधिकारी प्रकाश जवेजुका अनुसार जेन्जी आन्दोलनकाक्रममा जगाती प्रहरी वृत्त र चागुनारायण नगरपालिका वडा नं ७ स्थितमा रहको प्रहरी बृत्त खरिपाटी तोडफोड तथा आगजनी गरेको घटनामा संलग्न थप ३ जनालाई पक्राउ गरिएको हो । यसरी पक्राउ पर्नेहरुमा सूर्यविनायक नगरपालिका वडा नं। ९ पलासे बस्ने वर्ष २८का सुदिप घिमिरे, काभ्रोपलाञ्चोक रोशी गाउँ पालिका वडा नं। ३ घर भई वर्ष २६का छेकु लामा र चाँगुनाराण नगरपालिका वडा नं। ६ खरीपाटी बस्ने वर्ष ४६का सुरेश बास्तोला रहेको सूचना अधिकारी जवेजुले आज एक प्रेस विज्ञप्ति जारी गरी जनाएको छ । पक्राउ परेका ति मानिसहरुसँग तोडफोड तथा आगजन्ी घटना बारे थप अनुसन्धान कार्य भइरहको जनाएको छ ।
