एलपी ग्यासमा कमिसन बढाएको प्रति उपभोक्त मञ्चले जनाए अपत्ति
काठमाण्डौ, फाल्गुण २१ गते
उपभोक्ता मञ्च नेपालले एलपी ग्यासमा कमिसन बढाएको प्रति आपति जनाउँदै आज एक प्रेस विज्ञप्ति जारी गरेको छ । मञ्चका प्रवक्ता उज्वलराज गौतमद्वारा जारी विज्ञप्तिमा भनिएको छ ।
एलपी ग्यास उद्योगीले कमिसन बढाउनुपर्ने भन्दै आन्दोलन गर्ने धम्की दिएपछि मंगलबार दिउँसो उद्योग, वाणिज्य तथा आपूर्ति मन्त्रलायले एलपी ग्यास उद्योगका पदाधिकारीहरूसँग ‘गलेर’ ग्यासको कमिसन बढाउने सहमति गरेकोमा उपभोक्ता मञ्च नेपाल को गम्भिर ध्यानाकर्षण भएको छ । मंगलबार भएको नयाँ सहमति अनुसार अब उद्योगीले एक सिलिन्डर ग्यास बजार पठाउँदा कमिसन बापत थप १२ रुपैयाँ ७५ पैसा जोडेर लगभग ४६ रुपैयाँ पाउनेछन् ।
उपभोक्ताले ग्यास खरिद गर्दा अहिले तिर्नुपरिरहेको प्रतिसिलिन्डर १ हजार ९ सय १० रुपैयाँमा भने तत्कालका लागि केही हेरफेर न हुने भएता पनि भविष्यमा भने अहिले बढेको कमिसनलाई अन्ततः सरकार ले उपभोक्ताकै टाउकोमा थोपर्ने अनुमान सहजै लगाउन सकिन्छ । तसर्थ उपभोक्ता मञ्च नेपाल यो कमिसन वृद्धि को निर्णय तत्कालै फिर्ता लिन र उपभोक्ताको हक हित संरक्षण गर्ने तथा आम नागरिक लाइ सहुलियत दिने सवाल मा सरकार गम्भिर बन्न समेत जोड्दार माग गद्र्छ ।
