भक्तपुरमा कोरोना संक्रमित ४१०१ पुग्यो, २१३७ जना कोरोना मुक्त, ४६ जनाको मृत्यु
भक्तपुर, कार्तिक १गते
भक्तपुरमा शुक्रबार एक्कै दिन २१९ जना कोरोना संक्रमित पुष्टि भएका छन् । संक्रमितहरुमा भक्तपुर नगरपालिकाका १५ महिला र १३ पुरुष गरी २८ जना, मध्यपुर थिमी नगरपालिकाका २७ महिला र ३५ पुरुष गरी ६२ जना, सूर्यविनायक नगरपालिकाका ३५ महिला र ४६ पुरुष गरी ८१ जना, चाँगुनारायण नगरपालिकाका १७ महिला र १६ पुरुष गरी ३३ जना र सम्पर्क हुन नसकेका ४ महिला र ११ पुरुष गरी १५ जना सहित २१९ जनामा थप कोरोना संक्रमण भएको स्वास्थ्य कार्यालय भक्तपुरले जनाएको छ । योसँगै भक्तपुरमा कोरोना संक्रमितको संख्या ४१०१ पुगेको छ । १७५१ म्हिला र २३५० पुरुष गरी ४१०१ जनामा अहिलेसम्म कोरोना पोजेटिभ देखिएको स्वास्थ्य कार्यालय भक्तपुरका कार्यालय प्रमुख कृष्ण बहादुर मिजारले जनाएको छ । कार्यालय प्रमुख मिजारका अनुसार हाल ९२६ महिला र १२११ पुरुष गरी २१३७ जना कोरोना निको भएका छन् । अहिले सक्रिय संक्रमितहरु ८१२ महिला र ११०६ पुरुष गरी १९१८ जना छन् । अहिलेसम्म कोरोना संक्रमित भएका १३ महिला र ३३ पुरुष गरी ४६ जनाको निधन भइ सकेको कार्यालय प्रमुख मिजारले जनाएका छ ।
