ख्वपले माघ ५ र ६ गते भूकम्प सुरक्षा दिवस मनाउने
भक्तपुर, माघ १ गते
ख्वप इन्जिनियरिङ्ग कलेजले यस वर्षको भूकम्पीय सुरक्षा दिवस माघ ५ र ६ गते गरी दुई दिन मनाउने भएको छ । आन्तररिक खेलकूद कार्यक्रमका कारण माघ २ गते मनाईने यस दिवसलाई माघ ५ र ६ गते मनाउने तयारी भएको कलेका सह प्राचार्य रत्नशोभा प्रजापतिले जनाए । भूकम्पीय सुरक्षा र पूर्वतयारीका विभिन्न प्राविधिक ज्ञानसिप समुदायमा प्रस्तुत गर्ने गरी आधुनिक तथा परम्परागत शैलीका भवन संरचना एवं प्रविधीहरुका मोडलहरु प्रर्दशनी गर्नुका साथै भूकम्प प्रविधि सम्बन्धि कार्यशाला गोष्ठी कार्यक्रम आयोजना गर्ने कार्यक्रम तर्जुमा गरेको सहप्राचार्य प्रजापतिले जनाए । विद्यार्थीहरुले तयार पारेको भूकम्प प्रविधि सम्वन्धि मोडलहरु माघ ५ गते विहान १०ः३० बजे देखि दत्तात्रय मन्दिर परिसरमा प्रदर्शनीमा राखिने छ भने माघ ६ गते ख्वप इन्जिनियरिग कलेजमा कार्यशाला गोष्ठी आयोजना गरिने छ ।
