अदालत जाने धम्किकाबाबजुत सुनपाको मतगणना पूरा
भक्तपुर, जेष्ठ ५ गते
भक्तपुर जिल्लाको सूर्यविनायक नगरपालिकाको अन्तिम मत परिणाम सार्वजनिक भएको छ । सो नगरपालिकामा पूर्व मेयर बासुदेव थापाको सूर्यले प्रमुख र उपप्रमुख सहित ५ वटा वडामा जितेको छ भने ५ वटा वडामा रुखले जितेको छ । गठवन्धनका निशान ढुंगेलले १३२३२ मत प्राप्त गर्दा थापाले १४७५८ मत प्राप्त गरी विजयी भएका हुन । उपप्रमुखमा पनि एमालेकै सरिता भट्टराईले १४४९० मत लिएर विजयी भएकी छिन ।
तर गठबन्धनका (नेकपा एस) उपप्रमुख पद्का उम्मेदवार श्याम बस्नेतले भने मतगणनामा झेलि भएको भन्दै अदालत जाने धम्कि दिएको थियो । मतगणनामा चित्त नबुझेपछि “गणनाको धर्को मात्र पुनः जोडेर देखाउन भन्दा निर्वाचन अधिकृतले अदालत जानु भन्नु भयो, हामी अदालत जान्छु ।” बस्नेतले भने । यद्यपी रातदिन नभनि मत गणना पूरा गरी आज विहान अन्तिम मतपरिणाम घोषणा गरिसकेको निर्वाचन अधिकृत सरीताकुमारी खतिवडाले जनाए । बस्नेतको भनाईमा उनले भने “सामजिक सञ्जाल र मिडियाले भन्नकै भरमा मत परिणाम हुन सक्दैन । मतगणना रोक्नु भन्दा चित्त नबुझे अदालत जानु भनेको चाहि हो । त्यसपछि उनका प्रतिनिधीहरु समेत मतगणनामा देखा परेन । सर्वदलिय बैठकले कुनै दलको प्रतिनिधी उपस्थित नभए पनि मतगणना नरोक्ने निर्णय भए अनुसार निर्वाचन आयोगमा समेत यो विषयमा प्रतिवेदन गरी दिएको आदेश अनुसार मतगणना पूरा गरेको छु । हाम्रो पनि जागिरको माया छ । अदातल गयो भने अदालतले जे भन्छ सो अनुसार हुन्छ । हामी त मतगणना पूरा गरी आज विहान घर हिड्यौं।” निर्वाचन अधिकृत खतिवडाले भने ।
आज विहान जारी अन्तिम मत परिणाम अनुसार उपप्रमुखका उम्मेदबार बस्नेतले ६६६१ मात्र मत प्राप्त गरेको छ । सो नगरपालिकाको १ देखि १० सम्मको वडामा सूर्यले १, ५, ७, ८ र १० र रुखले २, ३, ४, ६ र ९ गरी ५।५बाट वडामा वडाध्यक्ष जितेको छ । वडा नम्वर ९मा भने नगरपालिकाकै प्रवक्ता दाबि गर्ने चर्चित पत्रकार उपेन्द्र केसी रुखका भगवान खत्रीसँग पराजित भएका थिए ।
