थप १५८ जनामा कोरोना पुष्टि, ३४२ जना निको, २ जनाको मृत्यु ।
नेपालमा थप १५८ जनामा कोरोना भाइरसको सङ्क्रमण पुष्टि भएको छ । ८ हजार ९१८ जनाको परीक्षण गर्दा १५८ जनाको रिपोर्ट पोजेटिभ आएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार २४ घण्टामा ३४२ जना सङ्क्रमित निको हुँदा २ जनाको भने मृत्यु भएको छ । यस्तै गत २४ घण्टामा १ लाख २७ हजार ६ सय ११ जनाले भने कोरोना भाइरसविरुद्धको खोप लगाएका मन्त्रालयले जनाएको छ । अझै पनि ६ हजार ९६६ जना सक्रिय सङ्क्रमित रहेको पनि मन्त्रालयले जानकारी दिएको छ ।
