थप ३ सय ३२ जनामा कोरोना सङ्क्रमण ।
पछिल्लो २४ घण्टामा थप ३ सय ३२ जनामा कोरोना भाइरस सङ्क्रमण पुष्टि भएको छ ।७ हजार ५ सय ९० जनाको पीसीआर परीक्षण गर्दा ३ सय ५ जना र २ हजार ३ सय ३० जनाको एन्टिजेन परीक्षण गर्दा २७जनामा गरी ३ सय ३२ जनामा कोरोना भाइरसको सङ्क्रमणको पुष्टि भएको स्वास्थ्य तथा जनसङ्ख्या मन्त्रालयले जनाएको छ । बितेको २४ घण्टामा कोरोना सङ्क्रमणबाट ४ जनाको मृत्यु भएको छ भने २ सय ३२ जना निको भएका छन् । आज थपिएकासँगै नेपालमा कोरोना सङ्क्रमण हुनेको कुल सङ्ख्या ९ लाख १५ हजार ४सय १ पुगेको छ । मृत्यु हुनेको सङ्ख्या भने ११ हजार ५सय १३ पुगेको छ भने ८ लाख १ हजार १ सय २२ जना सङ्क्रमण मुक्त भएका मन्त्रालयले जनाएको छ ।
