देशभर थप १ हजार ५५८ जनामा कोरोनाभाइरस सङ्क्रमण पुष्टि, थप १० संक्रमितको मृत्यु, १ हजार ३५१ जना सङ्क्रमणमुक्त ।
गत २४ घण्टामा देशभर १ हजार ५५८ जनामा कोरोनाभाइरस सङ्क्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार देशभरमा ८ हजार ६५४ नमुनाको पीसीआर परीक्षण गर्दा १ हजार ८६ र ३ हजार ७२० जनाको एन्टीजिन टेष्ट गर्दा ४७२ जनामा सङ्क्रमण देखिएको हो । यससँगै कुल सक्रिय सङ्क्रमितको संख्या २५ हजार ४९७ पुगेको छ ।
यस्तै आज कारोनाका कारण १० जनाको मृत्यु भएको छ । मन्त्रालयका अनुसार बितेको २४ घण्टामा १ हजार ३५१ जना सङ्क्रमणमुक्त भएका छन् । हाल सम्म कोरोना सङ्क्रमितको कुल संख्या पीसीआर विधिबाट भएको परीक्षणमा ७ लाख ८३ हजार ७५ पुगेको छ भने एन्टिजेन विधिबाट भएको परीक्षणमा ८८ हजार ६५९ जना पुगेको छ । सङ्क्रमितमध्ये हालसम्म ७ लाख ४६ हजार ५६६ जना निको भएका छन् । हाल देशभर २५ हजार ४९७ जना सक्रिय सङ्क्रमित रहेका छन् ।
