सापारु पर्व आज विहान देखि सुरु
भक्तपुर,भाद्र ७ गते
नेवार समुदायको मौलिक पर्व सापारु आज विहान देखि सुरु भएको छ । हिजो साँझ तलेजुबाट यस वर्षको सापारु पर्व सुरु गरेपछि आज सर्व साधारण समुदायले सापारु पर्व मनाउने परम्परा रहेको छ । कोरोना संक्रमणको जोखिमका कारण भने आज वर्ष दिनमा दिवंगत भएका परिवारजनलाई औपचारिकता पूरा गरेर मात्रै सापारु पर्व मनाउन सरोकारवाला निकायले अनुरोध गरेका छन् । यसै कारण पनि यस वर्षको सापारुमा घिन्तांघिसि लगायत कुनै पनि नाँच र बाजा गाजा नवजाईकन सां वा ताहा सां मात्र पद्यात्रा गराएर मनाइ रहेका छन् । वर्ष दिनमा के कति मानिसको मृत्यु भयो? त्यसको तथ्यांक संकलन गर्ने उदेश्यले यो पर्व परापुर्व काल देखि चल्दै आएको युवा संस्कृतिकर्मी ओमप्रसाद द्यौभडलले जनाएको छ ।
सापारु पर्वलाई अचेल गाईजात्राको रुपमा देशभर मनाउन थालेका छन् । यो यस पर्वको महत्व र गर्वको विषय पनि हो । यस पर्वलाइ गाईजात्रा नामाकरण गरिए पनि सापारु पर्वकै रुपमा मनाउन सके यस पर्वको महत्व अझै बढ्ने सरोकारवालाहरुको जोड छ । पण्डित हरीशरण शर्माले मौलिक संस्कृति र सभ्यता एवं नामाकरणमा बाह्य हस्तक्षपले पुर्खा देखि मनाउँदै आएको सभ्यताको महत्व र बैज्ञानिक आधारहरु समेत हराउँदै गएकोमा चिन्ता व्यक्त गरेका छन् । गाई जात्राले हास्य व्यंगको अर्थ जनाउँछ भने सापारुले दिवंगत परिवारका सादस्यकोे मुक्तिको कामना गर्दै श्रद्धाव्यक्त गर्दछन् । संस्कृतिवदहरुले यस विषयलाई गहनरुपमा विश्लेषण गरी यस पर्वको महत्वलाई बुझ्न, बझाउन आवश्यक भएकोमा जोड दिएका हुन ।
