कमलविनायक सडक निर्माणकालागि डिभिजन सडक कार्यालय भक्तपुरमा डेलिगेशन
भक्तपुर, कार्तिक १८ गते
हिलो र धुलोमय मात्र होइन सधै सवारी जाम भएर जनजीवन अस्तव्यस्त हुन थालेको कमलविनायक सडक पुनः निर्माणकालागि भक्तपुर नगरपालिका वडा नं. १०को पहलमा सडक डिभिजन कार्यालय भक्तपुरको ध्यानाकर्षण गराएको छ । स्थानीय वडावासीहरुसहित वडाध्यक्ष लक्ष्मीप्रसाद ह्यौमिखाको नेतृत्वमा बिहिबार सडक डिभिजन कार्यालय भक्तपुरमा डेलिगेशन गई सो सडक मर्मत कार्यकालागि ध्यानाकर्षण गराएका हुन । नगरकोट सडक निर्माणसँगै यो सडक पनि बनाउने सरकारी योजना भएपनि ठेक्का रड भएपछि भक्तपुर नगरपालिका क्षेत्रका सडकहरु बन्न सकेको थिएनन् । चाँगुनारायण नगरपालिका क्षेत्रको सडक नगरपालिकाको आफ्नै बजेटबाट निर्माण गरि सकेको छ भने भक्तपुर नगरपालिका क्षेत्रका नगरकोट सडक खण्ड अन्तर्गत बेखाल ज्याखु फल्चा देखि खरिपाटी ब्यारेक सम्मको सडक स्तररोन्तिमा जनचासो बढेको छ । सडकमा हिलोमैलो, खाल्डाखुल्डीले भरिएपछि सवारी आवागमनमा समस्या हुनुका साथै स्थानीय जनताको जनजीवनमा प्रभावित मात्र होइन नगरकोट जाने पर्यटकहरुकालागि समेत जोखिम बढेको छ । गत वर्ष भूमिगत तार बिछ्याउने सरकारी योजना कार्यान्वयन गर्दा खनिएका सडकहरु पुनःनिर्माण नगरिदा पनि सो सडक थप जीर्ण बनेको स्थानियको गुनासो छ ।
विगत केही बर्ष अघि देखि नगरकोट सडक खण्डको भनपा १० अन्तर्गत पर्ने उक्त सडक हिलामे र धुलामे भई सडकमा आवात जावत गर्न कष्टकर भएको थियो । सडकको नाजुक अवस्थाका कारण अत्यधिक ट्राफिक जामको समस्या जिउकातुउ रहेको र सडकको खल्डाखुल्डीले रात्रीको प्रहारमा टिपरले प्रत्येक क्षण कम्पनमय जीवनयापन गर्न बाध्य भएको कुरा स्थानीयबासीहरुले गुनासो गर्दै आएका छन् ।
सडकको दयनीय अवस्थाका कारण दिर्घ रोगी तथा मानसिक रोगी बद्दै गएको जनगुनासो बढ्दै गएपछि वडा कार्यालयको पहलमा सडक डिभिजन कार्यालयको ध्यानाकर्षण गराएका हुन । सो अवसरमा जनगुनासोको सम्बोधन गराउन समयमै सम्बन्धित निकायले यस बिषयमा सजक भई सडक स्तररोन्नति गर्नु पर्ने कुरा भनपा १० का वडा अध्यक्ष लक्ष्मीप्रसाद ह्यौमिखाले सम्बन्धित कार्यालय प्रमुखलाई बताउनु भयो । २०७१ साल देखि यो सडक बनाउने सरकारीय योजना थियो । सामान्य तालतुमै आलटाल गरी यो सडक स्तररोन्नति गर्न अनुकुल समय र मौसमको पर्खाइमा रहयो । सरकारी ठेक्का रद्द भइसक्केपछि पनि नयाँ योजना बन्न नसक्दा स्थानीयले सडक जामसम्मका योजना बनाएपछि दशै अगाडी सडकमा तालतुले कार्य गरेको थियो । अहिले फेरी हिलो मैलो र खाल्डाखुल्डीले सडक भरिएपछि स्थानीय बेचेन भएका छन् । यस्तो अवस्थामा भबिष्यमा हुन सक्ने सडक दुर्घटनाको भागी सम्बन्धित सडक डिभिजन कार्यालय हुन पर्ने भन्दै डेलिगेशनमा पुगेका टोलीले गम्भिर ध्यानाकर्षण गराउनु भयो । सम्बन्धित निकाय निकायले ईमानदारी पूर्वक आफ्नो जिम्मेवारी निभाएको भए केही समय अघि नयाँ पुस्ताका नाममा भएको विध्वंस राज्य बेहोर्नु नपर्ने कुरा भनपा वडा १० वडा अध्यक्ष ह्यौमिखाले थप्नु भयो ।
सडक डिभिजन कार्यालयका वरिष्ठ डिभिजन ईन्जिनियर सुमन योगेशले विगत दुई बर्ष अघि यस नगरकोट सडक खण्ड स्तररोन्नति बजेट अनुसार कार्य गर्न खोज्दा विद्युुटको भूमिगत तार विछ्याउने कार्यले गर्न नसकेको र हाल गर्ने भनी दशैंमा तारतारम्य मिलाउदा अहिले यो सडकको जिम्मेवारी केन्द्रबाट प्रदेश सरकारमा पुगेकोे भन्दै सडक डिभिजन कार्यालय जनगुनासोबाट पन्छिन खोजेको स्थानीयको आरोप छ । सडक बनाउने जस्को जिम्मेबारी भएपनि मर्मत वा पुर्ननिर्माण गर्न जनगुनासो आएपछि स्वत पुनःनिर्माण हुनुपर्ने स्थानीयको माग छ । सडकको कर चाहि लिने मर्मत गर्नुपर्ने भएपछि गैर जिम्मेबार हुनुभएन स्थानीयहरु बताउँदैछन् ।
