देशभर २७ जनामा कोरोना भाइरस सङ्क्रमण पुष्टि ।
पछिल्लो २४ घण्टामा देशभर २७ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ९३७ पीसीआर परीक्षणमा २३ जना र ८६५ एन्टिजेन परीक्षणमा ४ जना गरी २७ जनामा सङ्क्रमण पुष्टि भएको हो । सङ्क्रमितमध्य १३ जना काठमाडौं उपत्यकाका र अरु काठमाडौं उपत्यका बाहिरका रहेका छन् । यो सँगै देशभर कोरोना भाइरसको सक्रिय सङ्क्रमितको संख्या १८८ पुगेको छ । जसमध्ये १८१ जना होम आइसोलेसनमा र ७ जना अस्पतालमा रहेका छन् । अस्पतालमा भएका मध्ये ४ जनाको आईसीयूमा उपचार भइरहेको मन्त्रालयले जनाएको छ । पछिल्लो २४ घण्टामा कोरोना भाइरस सङ्क्रमणमुक्त हुनेको संख्या १६ रहेको छ ।
