बढी, पहिरो र विपद् प्रतिकार्यमा भक्तपुर
भक्तपुर, असार २९ गते
जिल्ला प्रशासन कार्यालय भक्तपुरले जिल्लाको विपद् व्यवस्थापनकालागि सरोकारवाला निकायहरु बीच आज अन्तरक्रिया गरेको छ । स्थानीय पालिका, सुरक्षा निकाय, नेपाल रेडक्रस तथा विभिन्न विपद्सँग सम्बन्धित संघ संस्थाका प्रतिनिधीहरु एवं पत्रकारहरु बीच भएको छलफलमा प्रमुख जिल्ला अधिकारी भरतमणी पाण्डेले विपद् प्रतिकार्यकालागि आवश्यक पूर्वतयारी बारे सरोकारवालाहरुको तर्फबाट सुनुवाई गर्दै विपद् प्रतिकार्यमा देखिएका समस्या र गुनासोहरुको सुनुवाई गरेका हुन् । भक्तपुरको चाँगुनारायण नगरक्षेत्र र सूर्यविनायक नगर क्षेत्रमा पहिरोको जोखिम रहेको भन्दै भक्तपुर र मध्यपुर नगरका हनुमन्ते क्षेत्रमा देखिएको बाढीबाट धनजनको क्षति कम गर्न आवश्यक तयारीका लागि सरोकारवाला निकायलाई सो अवसरमा सचेत र पूर्वतयारी रहन निर्देशन दिएको छ ।
