मेयर कप करातेमा आयोजक सूनपा टिम प्रथम
भक्तपुर, जेष्ठ १० गते
बागमती प्रदेशस्तरीय आमन्त्रित मेयर कप करोत प्रतियोगिता २०८२मा आयोजक सूर्यविनायक नगरपालिका टिम प्रथम हुन सफल भएको छ । जेष्ठ ९ र १० गते दुई दिनसम्म भक्तपुरमा भएको सो प्रतियोगितामा सूर्यविनायक नगरपालिका टिमले ५ स्वर्ण र एक रजत सहित ६ पदक जितेर टिम उत्कृष्ठ बनेका थिए भने ३ स्वर्ण १ रजत तथा ३ काष्य सहित ७ पदक लिएर गोकर्णेश्वर नगरपालिकाको टिम दोस्रो भएका थिए । यसै वीच २ स्वर्ण र १ रजत र ५ काष्य गरी ८ पदक सहित काठमाण्डौ महानगरपालिका तेस्रो भएका थिए । विजयी खेलाडीलाई आजै सूर्यविनायक नगरपालिकाका प्रमुख बासुदेव थापाले पुरस्कार तथा मेडल एवं शिल वितरण गरेका थिए । बागमती प्रदेशका स्वास्थ्य मन्त्री किरण थापाले आज मात्रै उद्घाटन गरेको सो प्रतियोगिताको उत्कृष्ठ छात्र खेलाडीमा ८ स्कोरका साथ गोडावरी नगरपालिकाका खेलाडी राज भुलन भएका थिए भने महिलातर्फ आशिका तामाङ ११.३ स्कोरका साथ उत्कृष्ठ खेलाडी घोषित एवं पुरस्कृत भएका थिए ।
सूर्यविनायक नगर करोत संघले आयोजना गरेको सो प्रतियोगिता विभिन्न १५ इभेन्टहरुमा ३सय भन्दा बढी खेलाडीहरुले प्रतिस्पर्धा गरेका थिए । विजयी खेलाडीहरुलाई आजै पुस्कृत गरेको प्रतियोगिता समितिका संयोजक रामशरण त्वातीले जनाएको छ।
