भक्तपुर, पौस २७ गते
आगलागीले सूर्यविनायकका ५ घर जलेर १२ लाख ६० हजार धनमाल जलेर नष्ट भएको छ । आइतबार साँझ सूर्यविनायक नगरपालिका वडा नम्वर ६ स्थित पाण्डुबजारमा भएको आगलागीले सो बराबरको धनमाल नष्ट भएको महानगरीय प्रहरी परिसर भक्तपुरले जनाएको छ । पाण्डुबजारस्थित रामकृष्ण चौगुठीको १ तले कच्ची जस्ताको टहरामा भोजबहादुर घिसिंगले सञ्चालन गरेको मासु पसलमा अचानक सल्केको आगोले अन्य थप ४ वटा घरहरुमा समेत क्षति पुगेको प्रहरीले जनाएको छ । महानगरीय प्रहरी वृत्त जगातिबाट प्र.नि. विष्णु फुँयालको कमाण्डमा परिचालित प्रहरी टोली, स्थानीय समुदाय, दमकलको संयुक्त पहलमा गतराती १२ः२० बजे आगलागि नियन्त्रणमा लिएको सूचना अधिकारी दिपक गिरीले जनाएको छ । सो आगलामीमा धनमालको क्षति भए पनि मानबीय क्षति भने नभएको उहाँले बताए । सो क्षेत्रमा हिलो साँझ ११ः३० बजे भएको उल्लेख गर्दै आगलागी बारे थप अनुसन्धान कार्य भइरहेको उल्लेख गरेका छन् ।
सो आगलागीबाट पाण्डुबजार बस्ने राम कृष्ण चौगुठीको फर्निचर पसलमा रहेको दराज, टेबुल, फर्निचर बनाउने काठ र बा ७५ प ५८२४ नं को रु ६लाख पर्ने यामाहाको ँमाटर साइकल १ थान, सोही स्थान बस्ने भोज बहादुर धिसिङको मासु पसलमा रहेको जिउँदो बोईलर कुखुरा २५ वटा, तयारी मासु र फ्रीज १ थान समेत पुर्ण रुपमा जलि अन्दाजि रु २ लाख बरावरको क्षति भएका थिए भन्ने अर्का नारायण साडेमियाले संचालन गरेको चिया पसलमा रहेको फ्रीज १ थान, टेबुल, कुर्सी, त्ख् र अन्य सामानहरु समेत जलि अंदाजी रु २ बराबरको क्षति भएको छ ।
सोही स्थान बस्ने बिमल घिमिरेले संचालन गरेको फेन्सी कपडा पसलमा रहेको कपडाहरु पनि जलि अंदाजी रु साठीहजार बराबरको क्षति भएको थियो भन्ने नरेश कर्माचार्यको कोठा समेतमा आगोलागी हुँदा कोठामा रहेका दराज, पलंग, कार्पेट, बेड बिस्तारा, लत्ता कपडा र अन्य सामान समेत जलि अंदाजी २ लाख बराबरको क्षति भएको प्रहरीले मुचुल्का बनाएको छ ।
