भक्तपुरमा बागमती प्रदेशस्तरीय आमन्त्रण मेयर कप कराते प्रतियोगिता सुरु
भक्तपुर, जेष्ठ ९ गते
बागमती प्रदेशस्तरीय आमन्त्रण मेयर कप कराते प्रतियोगिता–२०८२’ भक्तपुरमा आजबाट सुरु भएको छ। सूर्यविनायक नगर सितोरियो कराते संघले आयोजना गरेको सो प्रतियोगितामा बागमती प्रदेशका १५ वटा स्थानीय तहहरुका ३२५ जना खेलाडीले प्रस्पिर्धामा उत्रेको प्रतियोगिता संयोजक रामशरण त्वातीले जनाएको छ । जेष्ठ ९ र १० गते दुई दिनकालागि भएको सो प्रतियोगितामा सूर्यविनायक नगरपालिकाले आर्थिक सहयोग गरेको थियो ।
जगातीस्थित शेराटन ब्याङ्क्वेट सूर्यविनायक नगरपालिका–८, भक्तपुरमा आयोजना भएको सो प्रतियोगितामा १५ इभेन्टका खेलहरु भइरहेको संयोजक त्वातीले बताए ।
कराते खेलको माध्यमबाट युवा पुस्तामा अनुशासन, आत्मबल, आत्मविश्वास, नेतृत्व र राष्ट्रिय गौरवका भावना उत्पन्न गर्न अभिप्रेरित गर्दै, प्रतियोगितालाई राष्ट्रियस्तरकै प्रतिष्ठित कार्यक्रमको रूपमा स्थापित गर्ने उद्देश्यले सो प्रतियोगिता आयोजना भएको थियो ।
