प्रहरी निरीक्षक हुँ भनि सर्वसाधारणलाई झुक्याउने व्यक्रि पक्राउ
भक्तपुर, जेष्ठ ७ गते
जिल्ला प्रहरी कार्यालय भक्तपुरले प्रहरी निरीक्षक हुँ भनि सर्वसाधारणलाई झुक्याउने व्यक्तिलाई पक्राउ गरेको छ । मध्यपुर ठिमी नगरपालिका दिव्यश्वरी नेवा भुटु रेष्टुरेन्ट अगाडी सडक खण्डमा त्यसरी ठग्ने व्यक्तिलाई प्रहरी वृत्त ठिमी भक्तपुरले पक्राउ गरेको प्रहरीका सूचना अधिकारी ढुण्डीराज नेउपानेले जनाएको छ । सूचना अधिकारी नेउपानेका अनुसार सो रेष्टुरेन्ट अगाडीको सडक खण्डमा ‘म प्रहरीको ईन्सपेक्टर हुँ’ भनि प्रहरी निरीक्षकको बर्दी लगाएरको फोटो मोबाईलको बाल पेपरमा राखी सर्वसाधारण मानिसहरुलाई झुक्याई अशान्ती फैलाएको भन्ने सूचनाको आधारमा नीजलाई पक्राउ गरेको हो । पक्राउ पर्नेमा भोजपुर साल्पासिलिछो गाउँपालिका वडा नं. ३ वतन भएका वर्ष २३ का सुजन गिरी रहेको उहाँले बताए । स्थानीयले दिएको सूचनाका आधारमा हिजो साँझ सोही सडकबाट प्रहरी वृत्त ठिमीका प्रहरी टोलीले गिरीलाई नियन्त्रण्मा लिएको थियो ।
