पत्रकार महासंघले मनाए आज २८ औं स्थापना दिवस
भक्तपुर, पुस २३ गते
नेपाल पत्रकार महासंघ भक्तपुर शाखाले आज २८ औं स्थापना दिवस मनाएका छन् । ्भक्तपुर शाखाका नवनिर्वाचित पदाधिकारीहरुको नेतृत्वमा मनाएको २८ औं स्थापना दिवसको अवसरमा आज दिप प्रज्वलन गरेको थियो । स्थापना दिवसको उद्घाटन गर्दै सांसद दुर्लब थापाले पत्रकारिता देशको चौथौं अंग भनिने गरिएपनि बास्तबमा अरु अंग भन्दा अगाडी नै रहेको चर्चा गर्दै स्थानीयस्तरमा विकास निमार्ण गर्न सिंह दरवार मात्र चिनेर नपुग्ने मन्त्री भएर उभिनुपर्ने अवस्था आएको बताएका छन् ।
सांसदको भूमिका बारे आफू जानकार रहेको उल्लेख गर्दै सांसद थापाले गलत समाचार र नकारात्मक टिप्पणी उचित नभएको बताए तर उहाँले भने राष्ट्रियता र जनजीविकाका सवालमा कोही पनि नकारात्मक हुन नहुनेमा जोड दिए ।
जिल्ला अध्यक्ष सुन्दर शिल्पकारको सभापतित्वमा आयोजित सो कार्यक्रममा पत्रकार कविर राणा, महासंघ बागमति प्रदेश उपत्यका समितिका अ्रध्यक्ष टेनिस रोका, काठमाण्डौका अध्यक्ष शोभा अर्याल, ललितपुरका अध्यक्ष रामहरी कार्की सहितका अतिथिहरुले शुभकामना मन्तव्य व्यक्त गरेका थिए ।
