खुट्टा बाँधिएको अवस्थामा महिला मृत्त फेला
भक्तपुर, कार्तिक २९ गते
भक्तपुर नगरपालिका वडा नं. ३ दरवारक्षेत्रस्थित इछुगल्लीमा ९४ वर्षकी विष्णु कुमारी त्वयना आफ्नै घरको चौथो तल्लामा खुट्टा बाँधिएको अवस्थामा मृत्त अवस्थमा फेला परेको छ । एक्लै बस्दै आएका त्वायना आफु सुत्ने कोठामा कपडाले दुबै खुट्टा एकै ठाँउमा बाँधिएको अवस्थामा मृत्त फेला परेको जिल्ला प्रहरी परिसर भक्तपुरले जनाएको छ । घटनास्थलमा प्रहरीको अनुसन्धान अधिकृत सहितको टोली, केनाईबाट कुकुर सहितको प्रहरी टोली र अपराध शाखा भक्तपुरबाट खटिएको संयुक्त प्रहरी टोलीले प्रारम्भिक अनुसन्धान कार्य गरी शव पोष्टमार्टमको लागि काठमाण्डौ मेडिकल कलेज दुवाकोट भक्तपुरमा पठाएको प्रहरीले जनाएको छ । मृतक त्वयनाको आज हनुमनाघाटमा अन्त्यस्ति गरेको छ । घटना बारे थप अनुसन्धान कार्य भइरहेको प्रहरी परिसर भक्तपुरका सूचना अधिकारी ढुण्डीराज नेउपानेले जनाएको छ ।
