ऐतिहासिक कोटिहोम कुम्भ कोटिहोममा परिनतः शेखर गुरु
काठमाण्डौ, श्रावण २४ गते
पशुपति क्षेत्रमा जारी ऐतिहासिक कोटिहोम समापनको तयारी थालेको छ । अनार्थ बालबालिकाहरुकालागि ललितपुरमा निर्माणधिन मामा घर र बेसाहारा जेष्ठ नागरिकहरुकोलागि भक्तपुरको ताथलीमा निर्माणाधिन छोरीको घर वृद्धाश्रम निर्माणार्थ सहयोगका साथै धार्मिक तथा सामाजिक अभियान सञ्चालन गर्न आयोजित सो कोटिहोमको करिव करिव समापनको तयारी थालेको आयोजकहरुले जनाएका छन् । श्रावण १ गते देखि सुरु भएको कोटिहोम श्रावण३२ गते समापन गर्ने भएपनि कोटिहोम समापनको तयारी थालेको आयोजकहरुले जनसञ्चार खवरलाई जनाएका हुन । कोटिहोमको समापन कार्य २५ गते देखि सुरु हुने भन्दै २५ गते भजन प्रतियोगिता समेत आयोजना गर्ने तयारी भएको जनाएको छ भने २६ गते कन्या पूजा सहित नियमित कथा बाचनका कार्यहरु हुने उल्लेख गर्दै कोटिहोममा कसैलाई करकाप गरी दान दक्षिणा संकलन नगरिएको तथा स्वविवेकले दिएकोे दानदक्षिणा संकलन कार्य भइरहेको बताएका छन् । आयोजनक समितिका शेखर गुरुले कोटिहोम भव्यरुपमा सम्पन्न हुन गाईरहेको चर्चा गर्दै ऐतिहासिक कोटिहोम कुम्भ कोटिहोममा परिणत भएको बताएका छन् । उहाँले कोटिहोमबाट उदेश्य प्राप्त हुने विश्वास व्यक्त गर्दै कमजोरीलाई अपव्याख्या नगर्न आग्रह गर्नु भयो ।
