हैजा पुष्टि भएका विरामी अस्पतालबाट भाग्यो, हैजाको जोखिम बढायो ।
काठमाण्डौ, श्रावण १० गते
हैजा पुष्टि भएका विरामी अस्पतालबाट भागेको छ । आज थप हैजा पुष्टि भएका दुई विरामी मध्ये एक जना अस्पतालबाटै भागेको शुक्रराज ट्रपिकल तथा सरुवारोग अस्पतालका निर्देशक डा. युवानिधि बसौलाले जनाएको छ । हैजा संक्रमित व्यक्ति अस्पतालबाट भागेपछि थप हैजा फैलिने जोखिम बढाउन सक्ने आंकलन गरिएको छ । अस्ति हैजा पुष्टि भएका व्यक्ति नजिकका दुई जनाको राष्ट्रिय जनस्वास्थ्य प्रयोगशालामा नमूना परिक्षण गर्दा हैजा पुष्टि भएको थियो । रिपार्ट आउनु पूर्व नै एक जना संक्रमित अस्पतालबाट भागेको डा. बसौलाले गोर्खा पत्र अनलाईनलाई जनाएको छ । अर्का संक्रमितको भने पाटन अस्पतालमा उपचार भइरहेको उहाँले बताउनु भयो भने अस्ति हैजा संक्रमित हुने ललितपुरको गोदावरी नगरपालिका वडा नं. १४ ठैवस्थित एक पुनस्र्थापना केन्द्र बस्ने १६ वर्षीय किशोरको उपचारसँगै हैजा नियन्त्रणमा आएको पनि उहाँले जनाएको छ । यसरी हैजा संक्रमित हुनेको संख्या ४ पुगेको पनि प्रयोगशालाले जनाएको छ । संक्रमित सबै जना गोदावरी नगरपालिका वडा नं. १४ ठैवका रहेको बताइएको छ।
