प्रथम अन्तर प्रदेश खेलकुद प्रतियोगिता अन्तर्गत बक्सिङ्ग प्रतियोगिताको फाइनल तथा पुरस्कार वितरण समारोह
चितवन, २९ चैत । प्रथम अन्तर प्रदेश खेलकुद प्रतियोगिता अन्तर्गत बक्सिङ्ग प्रतियोगिताको फाइनल तथा पुरस्कार वितरण समारोह बागमती प्रदेशका सामाजिक विकास मन्त्री माननीय कुमारी मोक्तानको प्रमुख आतिथ्यतामा चितवन उद्योग संघको हलमा बिहिबार सम्पन्न भयो ।
प्रमुख अतिथि मन्त्री मोक्तानले बागमती प्रदेशका खेलाडीहरु सक्षम र अब्बल बनाउन खेलकुदमा अगाडि बढेको बताउँदै चौध बर्ष पछि पहिलो पटक आयोजना गरेको बताउनुभयो । उहाँले खेलाडी तयार गर्ने योजना सहित अन्तर्राष्ट्रिय प्रतियोगितामा उत्कृष्ट प्रदर्शन गराउन सक्ने गरी खेलकुद महोत्सबको रुपमा प्रतियोगिता सफल भएको बताउँदै पालिका स्तरबाट पनि प्रशिक्षक राखेर खेलकुदलाई जोड दिएको छ भन्नुभयो ।
कार्यक्रममा नेपाल बक्सिङ्ग महासंघका महासचिव मान बहादुर भण्डारीले बक्सिङ्गले अन्तर्राष्ट्रिय वा विदेशमा नाम राख्न सफल भएको खेल हो भन्नुभयो । उहाँले विश्व विख्यात खेल र बढी दर्शक हुने खेलमध्येमा पर्ने खेलमा आर्कषण बढेकोले यो खेललाई विकास गर्न बक्सिङ्ग महासंघ दिनरात मेहनत गर्ने बताउनुभयो ।
कार्यक्रम प्रतियोगिता संयोजक धनकुमार मैनालीको संयोजकत्वमा भएको कार्यक्रममा बागमती प्रदेश बक्सिङ्ग संघका सचिब रामकृष्ण प्रजापतिले युवाहरुलाई विकृति र विसंगतिबाट टाढा राख्ने खेलकुद गतिविधि आवश्यक रहेको बताउँदै खेललाई जीवनको अभिन्न अंगको रुपमा विकास गर्नुपर्ने बतउानुभयो । उहाँले बक्सिङ्ग नेपालको माटो सुहाउँदो खेल भएकोले यसलार्ई राज्यस्तरबाट ध्यान दिन सके यसको दु्रतगतिमा विकास हुने बताउनुभयो । कार्यक्रममा प्रदेश खेलकुद विकास परिषद बागमति प्रदेशका सदस्य सचिब सूर्यलाल भण्डारी, सदस्यहरु उत्तम गुरुङ्ग, अमृत तामाङ्ग, आठौं सागका स्वर्णपदक विजेता प्रकास थापामगर र रामचन्द्र थापामगर, डिएसपि भोजराज रिजाल, नेपाल बक्सिङ्ग महासंघका उपाध्यक्ष किरण श्रेष्ठ र सविन भट्टाचार्यको उपस्थिति रहेको थियो ।
फाईनल खेलको महिलाहरुमा ४८ केजिमा बागमतीका सुस्मा तामा४८ केजिमा बागमतीका सुस्मा तामाङ्गले लुम्बिनीका मन्दिरा पौडेललाई जितेर स्वर्ण पदक हासिल गरे । त्यस्तै ५० केजिमा बागमति रमिशा श्रेष्ठले कोशी शीला राईलाई जितेर स्वर्णपदक हासिल गरे । त्यस्तै ५२ केजिमा गण्डकीका सोनिया बडुवाले बागमतीका भाबना भण्डारीलाई जितेर स्वर्ण पदक हासिल गरे । त्यस्तै ५४ केजिमा कर्णालीका अन्जनी तेलीले बागमतीका लुम्बिनीका पुष्पा थापालाई जितेर स्वर्ण पदक हासिल गरे । ५७ केजिमा कोशीका नरिका राईले बागमतीका पेमा शेर्पालाई जितेर स्वर्ण पदक हासिल गरे । त्यस्तै ६० केजिमा कोशीका जोनु लिम्बुले बागमतीका नतिशा रानामगरलाई जितेर स्वर्ण पदक हासिल गरे । त्यस्तै ६३ केजिमा बागमतीका तनुजा नेपालीले कर्णालीका हेमा राईलाई जितेर स्वर्ण पदक हासिल गरे । त्यस्तै ६६ केजिमा सुदुर पश्चिमका प्रतिक्षा रोकायाले बागमतीका तृषणा गुरुङ्गलाई जितेर स्वर्ण पदक हासिल गरे । त्यस्तै ७० केजिमा कर्णालीका कोश डोमा शेर्पाले गण्डकीका अस्मिता बस्नेतलाई जितेर स्वर्ण पदक हासिल गरे । त्यस्तै ७५ केजिमा कर्णालीका शीला मर्हजनले गण्डकीका जोशिका श्रेष्ठलाई जितेर स्वर्ण पदक हासिल गरेको बागमती प्रदेश बक्सिङ्ग संघका सचिव रामकृष्ण प्रजापतिले जानकारी दिनुभयो ।
त्यस्तै पुरुष तर्फ ४८ केजिमा बागमतीका रबिन थापाले लुम्बिनीका विशेष बुढा मगरलाई जितेर स्वर्ण पदक हासिल गरे । त्यस्तै ५१ केजिमा बागमतीका लालप्रसाद उप्रेतिले लुम्बिनीका भरत पुनमगरलाई जितेर स्वर्ण पदक हासिल गरे । त्यस्तै ५४ केजिमा बागमतीका मदनकृष्ण डंगोलले कोशीका डम्बर बहादुर श्रेष्ठलाई जितेर स्वर्ण पदक हासिल गरे । त्यस्तै ५७ केजिमा बागमतीका निरञ्जन मोक्तानले कर्णालीका प्रवल उप्रेतिलाई जितेर स्वर्ण पदक हासिल गरे । त्यस्तै ६० केजिमा गण्डकीका निश्चल गुरुङ्गले कोशीका सिंघ वीर लिम्बुलाई जितेर स्वर्ण पदक हासिल गरे । त्यस्तै ६३।५ केजि सुदुर पश्चिमका महेन्द्र चन्दले कोशीका एक्लिस शाहीलाई जितेर स्वर्ण पदक हासिल गरे । त्यस्तै ६७ केजि कर्णालीका प्रशाङ्ग सुब्बाले सुदुर पश्चिमका नविन जाग्रीलाई जितेर स्वर्ण पदक हासिल गरे । त्यस्तै ७१ केजिमा बागमतीका आश्विन धिरण श्रेष्ठले गण्डकीका निशान गुरुङ्गलाई जितेर स्वर्ण पदक हासिल गरे । त्यस्तै ७५ केजिमा गण्डकीका टार्जन धर्तिमगरले कोशीका प्रशान्त दाहाललाई जितेर स्वर्ण पदक हासिल गरे । त्यस्तै ८० केजिमा सुदुर पश्चिमका बालाजी रावलले बागमतीका प्रशाङ्ग श्रेष्ठलाई जितेर स्वर्ण पदक हासिल गरे । त्यस्तै ८६ केजिमा गण्डकीका किरण विकले लुम्बिनीका प्रशान थापालाई जितेर स्वर्ण पदक हासिल गरे । त्यस्तै ९२ केजिमा गण्डकीका सुनिल श्रेष्ठले बागमतीका प्रदिप तामाङ्गलाई जितेर स्वर्ण पदक हासिल गरे । त्यस्तै ९२ केजिभन्दा माथिकोमा बागमतीका करण तामाङ्गले कोशीका इशाक जनक शाहीलाई जितेर स्वर्ण पदक हासिल गरेको बागमती प्रदेश बक्सिङ्ग संघका सचिव रामकृष्ण प्रजापतिले जानकारी दिनुभयो ।
यस खेलमा बागमती प्रदेशले पुरुषमा ६ वटा स्वर्ण पदक, २ वटा सिल्भर र ४ वटा ब्रोन्ज मेडल र महिलामा ३ वटा स्वर्ण पदक, ४ वटा सिल्भर र २ वटा ब्रोन्ज मेडल सहित टिम प्रथम हुन सफल भयो भने गण्डकी प्रदेश टिम दोश्रो र कर्णाली टीम तेश्रो भयो भने महिला खेलाडीमा बागमतीका तनुजा नेपाली र पुरुषमा गण्डकीका निश्चल गुरुङ्ग उत्कृष्ट खेलाडीका साथै उत्कृष्ट कोचमा रमेश दास श्रेष्ठ घोषित भएको बागमती प्रदेश बक्सिङ्ग संघका सचिव रामकृष्ण प्रजापतिले जानकारी दिनुभयो ।
