उत्पादन वृद्धिकालागि नि:शुल्क माटो परिक्षण
भक्तपुर, मंसिर ७ गते
भक्तपुर नगरपालिका वडा नं.१०का कृषकहरुकालागि नि:शुल्क माटो परिक्षण शिवि सम्पन्न गरेको छ । नगर कृषि शाखाको आयोजनामा वडाका कृषकहरुको माटो परीक्षण शिविर आयोजना गरेको वडाध्यक्ष लक्ष्मीप्रसादा ह्यांैमिखाले जनाएको छ । नगरका प्रत्येक वडा वडामा शिविर आयोजना गरी माटो परिक्षण गरेर आवश्यक उपचारको परामर्शका लागि सो शिविर आयोजना गरेको कृषिविज्ञ रवि ख्याजूले जनाए । उनका अनुसार भक्तपुर नगरका हरेक कृषकहरुले आफ्नो बालीको माटो परिक्षण गराउन चाहेमा सम्बन्धित वडा कार्यालयमा सम्पर्क राख्न सकिने छ । प्रत्येक बालि लगाउनु अगाडी नै माटो परिक्षण गरी बालीकालागि आवश्यक पोषन समायोजन गर्न माटो परिक्षण गराउन आवश्यक रहेको उहाँले बताए । सो अवसरमा ३ दर्जन कृषकहरुले आआफ्नो खेतको माटो ल्याएर परीक्षण गराएका थिए । रासायनिक मलको बढ्दो प्रयोगले माटोमा अमलियपन बढेको कृषिविज्ञ ख्याजूको भनाई छ । भक्तपुर नगरमा रहेका सिमित खेती योग्य जमिनबाट पनि बढी भन्दा बढी उत्पादन वृद्धि गराउन तथा छिमेकी नगरभित्र खेतीपाति गर्दै आएका नगरवासीहरुको कृषि उत्पादन वृद्धि गर्न टोल टोलमा माटो परीक्षण गर्दै आएको आयोजकहरुको भनाई छ ।
