नगरकोटको भटेडांडा अव महामञ्जुश्री नामाकरण
भक्तपुर, श्रावण २६ गते
मध्यपुर थिमी नगरपालिकाले नगरका पूरानो नाम खोजि खोजि नामाकरण गरिरहँदा चाँगुनारायण नगरपालिकाले भने पूरानो नाम हटाएर नयाँ राम राख्न थालेको छ । महत्वपूर्ण पर्यटकीय गन्तव्यस्थलको रुपमा परिचित नगरकोटको भटेडौडालाई आजबाट महामञ्जुश्री नामांकन गरेको हो । चाँगुनारायण नगरपालिकाका प्रमुख जीवन खत्रीले नगरकोटको पर्यटन विकासकालागि प्रचुर संभावना भएको नगरकोट क्षेत्रमा रक्सि पार्ने र बेच्ने भटि नै भटि भएको ठाउँ भएकाले भटेडाडा हुन गएको ठाउँलाई आजबाट नयाँ नाम महामञ्जुश्री राखेको बताए । भटि नै भटि भएकाले भटे डाँडा भन्नु भन्दा धार्मिक र ऐतिहासिक नाम महामञ्जुश्री राम्र भएको प्रमुख खत्रीको भनाई छ । महामञ्जुश्री काठमाण्डौ उपत्यका सृष्टिकर्ता तथा बौद्धमार्गि समुदायको आष्ठाको प्रतिक भएकाले पनि सो नाम सान्दर्भिक भएको प्रमुख खत्रीको भनाई छ । २०८२ सालमा नगरकोट भ्रमण वर्ष घोषण गरिसकेकाले गुरु योजना अनुसार पर्यटकिय गतिविधि बढाउन सो क्षेत्रमा आज नेपालको झण्डा फरफराएर भटेडाँडालाई महामञ्जुश्री नामाकरण गरेको हो ।
चाँगुनपा, शंखरापुर नपा, मदन देउपुर नपा र बनेपा नपा सहित ४ वटा पालिकाहरु तथा भक्तपुर, काठमाण्डौ र काभ्रे गरी ३ वटा जिल्लाहरुको संगम स्थलको रुपमा रहेको नगरकोटमा पर्यटकको आगामण र बसाई लम्याउने विभिन्न कार्यक्रमहरु तर्जुमा भइरहेको नगर प्रमुख खत्रीको भनाई छ । पर्यटकहरु सहजरुपमा आवागण गराउन कमलविनायक नगरकोट सडकको महत्वपूर्ण भुमिका रहेकोले सो सडकको स्नोतिको लागि पनि नगरपालिकाको ध्यानाकर्षित भइरहेको उल्लेख गरे ।
कार्यक्रममा नगरकोट नाल्डुंग पर्यटन विकास समितिका पूर्व अध्यक्ष बद्री माक, अध्यक्ष नविन गुरुङ , चनपा ६का वडाध्यक्ष धनबहादुर लामा, नगरपालिकाका प्रमुख प्रशासकीय अधिकृत चुरामणी पन्थी,पूर्व उप्रमुख विना बास्टोला, नगरकोट व्यारेकका सुरक्षाप्रमुख सहित विभिन्न पर्यटन ब्यवसायीहरुको सहभागिता थियो ।
