भक्तपुर, चैत्र २६ गते
खरिपाटी क्वारेन्टाइनमा रहेका २३ जना मंगलबार साँझ घर फकाईएका छन् । तिनीहरुको स्वाव परीक्षणमा कोरना भाइरसको संक्रमण नभएको पुष्टि भएपछि घर फकाईएको प्रहरी उपरिक्षक सविन प्रधानले जनाएको छ। १४ दिनसम्म खरिपाटि क्वारेन्टाइनमा बसेर नियमित स्वास्थ्य परिक्षण सम्पन्न गरेपछि थप एक हप्ता आफ्नै घरको क्वारेन्टाइनमा बस्ने गरी मंगलबार तिनीहरुलाई घर पठाएका हुन । चैत्र १२ गते काकडभिट्टा हुँदै तिनीहरु नेपाल प्रवेश गरेका थिए । आफ्नै खर्चमा स्वास्थ्यकर्मीहरुको नियमित निगरामीमा सरकारले बनाएको खरिपाटिस्थित विद्युत तालिम केन्द्रमा रहेको क्वारेन्टाइनमा तिनीहरुलाई व्यवस्थापन गरेको थियो । तिनीहरुलाई आआफ्नो घर जाने समेत बसको व्यवस्था गरी सुरक्षा निकायको पहलमा मंगलबार घर फर्काएका हुन । सोमबार मात्रै सो क्वारेन्टाइनमा रहेका ७३ जनालाई घर फर्काइएका थिए । बाँकी २३ जना पनि घर फर्काइएपछि खरिपाटी क्वारेन्टाइन अहिले खालि रहेको छ ।
