सवारी दुर्घटनामा बालकको मृत्यु
भक्तपुर, कार्तिक १३ गते
सवारी दुर्घटनामा एक बालकको मृत्यु भएको छ । हिजो दिउँसो सृजनानगरमा भएको सवारी दुर्घटनामा मोटरसाईलक पछाडि रहेका बर्ष ६ का आर्जन शेर्पाको उपचारकोक्रममा मृत्यु भएको महानगरीय प्रहरी परिसर भक्तपुरले जनाएको छ । शनिबार दिउँसो सवा एक बजे जगातीबाट काठमाण्डौ तर्फ जाँदै गरेको बा.६ च. ८८५८ को कार, सोही दिशातर्फ जाँदै गरेको बा.५५ प.९९२२ नं.को मोटरसाइकल र सोही दिशा तर्फ जाँदै गरेको बा.४ ख. ५७९६ नं.को बस बीच दुर्घटना हुँदा मोटरसाइकल चालक ढावा शेर्पा र मोटरसाइकल पछाडी बस्दै आएको शेर्पाका छोरा आर्जन शेर्पा गम्भिर घाईटे भएका थिए । घाईतेहरु मध्ये चालक शेर्पाको मध्यपुर थिमी स्थित मध्यपुर अस्पतालमा उपचार भइरहेको छ भने घाइटे बालकको बीएण्डबी अस्पतालमा उपचारकोक्रममा आज बिहान मृत्यु भएपछि थप अनुसन्धानका लागि बस चालक भरत चौलागाई र कार चालक रिया कायस्थलाई प्रहरी वृत्त जगातीले नियन्त्रणमा राखेको सूचना अधिकारी राजु पाण्डेले जनाएको छ ।
