कमलविनायकमा मधुमेह र दन्त शिविर आयोजना
भक्तपुर , १८ भाद्र । भक्तपुरमा आयोजित मधुमेह र दन्त शिविरमा २२५ जनाले स्वास्थ्य परिक्षण गराएको स्थानीय जनप्रतिनिधी लक्ष्मीप्रसाद ह्यौमिखाले जनाएको छ । यसरी परिक्षण गराउनेहरुमा १२५ जना मधुमेह र १०० जना दन्त सम्बन्धि रोगहरुको परिक्षण गराएका हुन । भक्तपुर नगरपालिका १० नं वडा कार्यालयको आयोजना आज मेधुमेह र दन्त शिविर आयोजना गरेको हो ।
बक्सिङ कबर्ड हल कमल बिनायकमा आयोजना भएको सो शिविरको पूर्वजनप्रतिनिधी चन्द्रबहादुर उलकले मेधुमेह र दन्त शिविर राखेको एक अर्काेतिर सम्बन्धित भएको बताउँदै शिविरले रोगको पहिचान भइ जीवन बचाउन सकेको उदाहरण छ भन्दै क्यान्सर रोगको शिविरले धेरै महिला दिदीबहिनीको उपचारले निको भएको बताउनुभयो । उहाँले सुगरले दाँत, आँखा, कलेजो बिगार्ने बताउँदै शिविरमा गरेको परिक्षणले बेलैमा स्वास्थ्य अवस्था थाहा पाउने बताउनुभयो ।
कार्यक्रममा वडाध्यक्ष लक्ष्मी प्रसाद ह्यौमिखाले स्वास्थ्य जीवनको अमुल्य चिज भएको बताउँदै त्यहीँ कारण धेरै पहिलादेखि जनस्वास्थ्य सुरु गरी ख्वप अस्पतालससम्म सुरुवात गरेको बताउनुभयो । उहाँले ख्वप अस्पतालले भक्तपुर नगरका जनताको मात्र नभई देशकै सेवा भइरहेको बताउनुभयो । उहाँले खानपिन र बजारको खानाले किनेर रोग पालिराखेको बताउँदै आफैंले स्वस्थ्यको ख्याल गर्नुपर्ने बताउनुभयो ।
कार्यक्रममा डा.इभा कंशाकारले सुगर र दन्त एक अर्कोको परिपुरक भएकोले दाँत दुखाई सुगरको कारण हुने भएकोले परिक्षण आवश्यक छ भन्नुभयो । कार्यक्रम महिला वडासदस्य तारा शाक्यको सभापतित्वमा सम्पन्न भएको थियो ।
