सत्रु र मित्रु किरा चिन्नेर कृषि उपचार गर्न जेटिए माकजुको आग्रह
भक्तपुर, असार २३ गते
केही अप्लज्ञान त केही किरा संक्कारमणका कारण भक्तपुरका कृषकहरुका विभिन्न बालिहरु सुधार्न नसक्ने गरी बिग्रेका छन् । तरकारी बालिको रुपमा रहेको अकबरी खोर्सानी, गोलभेडा, भ्यान्टा, लगात विभिन्न विरुवा र फलहरुमा समेत विभिन्न संक्रमण देखिएको हो । यसरी संक्रमण देखिएर फल लिन नपाएका कृषकहरु आज सिद्धि कृषि सहकारी संस्था लि. कमलविनायकले आयोजना गरेको बाली परिक्षण शिविरमा सहभागि हुँदै आफना बालिमा परेको संक्रमणहरु बारे जेटिएसँग परामर्श र उपचार लिएका हुन् । कृषकहरुको समस्या र गुनासोहरुको सुनुवाई गर्दै जेटिए गंगाबहादुर माकजुले कृषकहरुमा बालि प्रति अल्पज्ञानका कारण विरुवा ब्रिगे्रर फल समेत लिन नपाएको बताए । विरुवा रोपेको ठाउँमा पानी जम्न दिन नहुनेमा कृषकहरुको बेवास्ताले गर्दा हाँगा देखि नै बोटहरु सुकेर बिग्रेको उहाँले बताए । बढी उब्जनी गर्ने उदेश्यले लगाएका हाइब्रिट बीउँका कारण बढी बालि बिग्रेको उहाँको विश्लेष छ । रैथाने जातको विरुवा भए त्यति बिग्रिन्दैन जेटिए माकजुले भने त्यसमाथि जथाभावि रासायनिक विषाधि प्रयोगले मानिसको स्वास्थ्यमा समेत असर पर्ने गरेकाले सत्रु र मित्रु किरा चिनेर उपयुक्त विषाधीको मात्र प्रयोग गर्न सक्नुपर्नेमा जोड दिनु भयो । कृषकहरुको बालिमा विभिन्न संक्रमण भएको गुनासो आएपछि बालि सुरक्षण प्रयोगशलाा हरिहरभवनको सहयोगमा बाली परिक्षण शिविर आयोजना गरेको संस्थाका अध्यक्ष पुण्यराम दुमरुले बताए ।
