पछिल्लो २४ घण्टामा ७४७ जनामा कोरोनाभाइरस सङ्क्रमण पुष्टि ।
पछिल्लो २४ घण्टामा ७४७ जनामा कोरोनाभाइरस सङ्क्रमण पुष्टि भएको छ । आज दिनभरीमा २ हजार ३ सय १९ जना निको भएका छन् । यस्तै आज दिनभरी कोरोनाका कारण ८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ६९६ जनामा नमुना परीक्षण भएको थियो । यससँगै देशभर कोरोना सङ्क्रमितको कुल संख्या पीसीआर विधिबाट भएको परीक्षणमा ९ लाख ९३ हजार ५४१ जना र एन्टिजेन विधिबाट भएको परीक्षणमा १ लाख ३७ हजार ६७७ जना पुगेको छ । सङ्क्रमितमध्ये हालसम्म ९ लाख ४० हजार ९०२ जना निको भएका छन् । यस्तै हालसम्म कोरोनाबाट ११ हजार ९०० जनाको मृत्यु भएको छ । हाल देशभर २० हजार ७३९ जना सक्रिय सङ्क्रमित रहेका छन् ।
