भक्तपुर जिल्लामा थप ३१२ कोरोना संक्रमति
भक्तपुर, माघ १७ गते
भक्तपुर जिल्लामा आईतबार एक्कै दिन ३१२ जनामा कोरोना संक्रमण पुष्टि भएको छ । यसरी संक्रमण हुनेहरुमा भक्तपुर नगरका ४३ पुरुष र ३१ म्हिला गरी ७४ जना, चाँगु नगरका ३६ पुरुष र ३६ महिला गरी ७२ जना, मध्यपुर थिमी नगरका ३२ पुरुष र २६ महिला गरी ५८ जना र सूर्यविनायक नगरका ४२ पुरुष र ३६ महिला गरी ७८ जना रहेको स्वास्थ्य कार्यालय भक्तपुरका कार्यालय प्रमुख कृष्णवहादुर मिजारले जनाएको छ । यसरी संक्रमित हुनेहरु मध्ये १६ पुरुष र १४ महिला गरी ३० जना संक्रमितहरु सम्र्पक विहिन रहेको पनि कार्यालय प्रमुख कृष्णवहादुर मिजारले जनाएको छ । यसै गरी भक्तपुर जिम्मा खोप अभियान जारी रहेको भन्दै कार्यालय प्रमुख जिमारले आइतबार एक्कै दिन भक्तपुर जिल्लाका ४ वटै नगरपालिकाहरु मध्यै सूर्यविनायक नगरमा १०१३ पहिलो खोप र १३६४ बुस्टर खोप दिएको जनाएको छ । सो नगरपालिकामा छुटेकाहरु मध्य थप १२२४ जनालाई पहिलो खोप र १६३४ जनाले वुस्टर खोप पाएको जनाएको छ । यसै बीच भक्तपुर नगरका ३७८ले वुस्टर खोप लिनुका साथै ३११ जनाले पहिलो खोप र ८ जनाले दोस्रो खोप लिएको छ । साथै सो नगरमा थप भेरोशेलको ४ खोप लिएको छ । चाँगु नगरको भौखेल केन्द्रबाट आईतबार ३८ पहिलो खोप र ५ दोस्रो खोप तथा १ वुस्टर खोप दिएको छ भने मध्यपुर थिमी नगरको लोकंथलि खोप केन्द्रबाट ३२ डोज मोर्डना खोप दिएको छ ।
